O Grupo Interdisciplinar de Innovación Docente en Química créase no ano 2014, resultado das inquedenzas docentes dun amplio número de profesores das distintas áreas da Química, todos eles situados na Facultade de Química. Actualmente, o grupo está formado por máis de 20 membros, profesores e investigadores das áreas de Química Analítica, Química Física, Química Inorgánica e Química Orgánica.
O grupo está interesado na constante mellora da docencia universitaria en Química, pero tamén na difusión da Química no ensino secundario. Ademais, o grupo trata de divulgar e difundir a Química entre a sociedade en xeral.
