MaxFEM é un software de código aberto para a resolución numérica de problemas de electromagnetismo utilizando o método dos elementos finitos. O paquete reúne baixo unha única interface distintos módulos ou aplicación que permiten abordar problemas de electrostática, corrente continua, magnetostática, magnético transitorio e eddy currents, en dúas e/ou tres dimensións e en coordenadas cartesianas e/ou cilíndricas.
O usuario pode realizar cambios internos para adaptar ás súas necesidades tanto a interface como os programas de cálculo que contén. Ademais, e grazas á estructura modular da interface, queda aberta a posibilidade de incorporar outro tipo de problemas (por exemplo, térmicos acoplados con electromagnéticos). En virtude da licencia GPL, calquera usuario pode incluír as súas propias aplicacións e redistribuír o software.
Software multiplataforma
Utilizáronse dúas linguaxes de programación para a codificación de MaxFEM:
- Python: para desenvolver a interface gráfica.
- Fortran: para desenvolver os códigos de cálculo.
Ademais, o feito de utilizar Python dalle a MaxFEM a propiedade de ser multiplataforma:
- Windows
- Linux
- Mac OS
MaxFEM aborda diferentes problemas en electromagnetismo:
- Electrostática 2D e 3D
- Corrente continua 2D e 3D
- Magnetostática 2D
- Magnético transitorio 2D
- Eddy currents 2D, 3D e axisimétrico
- Alfredo Bermúdez de Castro López-Varela
- María Dolores Gómez Pedreira
- María del Carmen Muñiz Castiñeira
- Francisco José Pena Brage
- Marta Piñeiro Peón
- María del Pilar Salgado Rodríguez
- Víctor Sande Veiga
- Rodrigo Valiña Gutiérrez
Se ten problemas con MaxFEM, por favor, mire o ficheiro README antes de contactar. Este ficheiro tamén pode consultarse no repositorio de MaxFEM sen ter instalada a aplicación.
O xeito preferente de facer consultas sobre MaxFEM é a través do foro de Discusión Xeral. Por favor, inclúa na mensaxe información sobre o seu sistema operativo e distribución de Python.
Para calquer outra cuestión, envíe un correo a maxfem [at] usc.es (maxfem[at]usc[dot]es).