Pierre Goubert (1915-2012) foi un dos historiadores franceses máis importantes da segunda metade do século XX e os seus estudos tiveron unha gran influencia en España. Unha parte da súa obra foi traducida ao castelán en varios países -Arxentina, México, España- e os estudantes españois recibiron moi ben o seu atractivo contido, e adoptaron unha boa parte dos métodos de Goubert; en particular, influíu moito a súa tese, Beauvais et le Beauvaisis de 1600 à 1730. Contribution à l’histoire sociale de la France du XVIIe siècle (1960), e os seus dous libros sobre a sociedade francesa do Antigo Réxime (1969, 1973).