O obxectivo deste proxecto foi a construción dunha gran base de datos nominativa de carácter lonxitudinal a partir do manexo de distintas series documentais pertencentes á cidade de Santiago de Compostela no tránsito dos séculos XIX ao XX. A partir da súa posterior explotación sistemática, e desde unha perspectiva comparada, atendeuse logo á influencia que os fluxos migratorios campo-cidade exerceron sobre algunhas das principais variables demográficas urbanas, caso da mortalidade ou da morbilidade; como tamén, ao papel que a distintos niveis xogaron os mercados de traballo urbanos na determinación das estruturas sociodemográficas da cidade.