A catedrática de Historia Moderna, Ofelia Rey Castelao, e os profesores Camilo J. Fernández Cortizo e Domingo L. González Lopo participarán, acompañados por outros membros do Grupo de Investigación de Historia Moderna, no primeiro Simposio do proxecto europeo RESISTANCE do que forman parte, dentro do programa Marie Skłodowska-Curie. O proxecto RESISTANCE agrupa investigadores de diferentes universidades e centros de investigación de Europa, América e África que se cuestionan sobre os procesos de resistencia dos grupos sociais discriminados, segregados e subalternos nos impérios ibéricos, entre 1500 e 1850.