Quinta edición do curso: Métodos de investigación en demografía histórica para o tratamento dos datos censuais e parroquiais. En formato híbrido (ADEH, 2023)
Xa está aberto o prazo de inscrición da quinta edición do curso “Métodos de investigación en Demografía Histórica para o tratamento dos datos censuais e parroquiais”, organizado pola Asociación de Demografía Histórica e o Centre d’Estudis Demogràfics. O curso terá lugar os xoves e venres entre o 19 de xaneiro e o 24 de febreiro de 2023 en formato híbrido (de 15:00 a 19:00 horas (Barcelona GMT+2). O curso estará dividido en cinco módulos: i) Construción de bases de datos; ii) Análise demográfica; iii) Regresión loxística iv) Series temporais; e v) Análise do historial de eventos. Cada módulo irá acompañado de exercicios prácticos con datos históricos. Este curso será impartido polos investigadores: Joana Maria Pujadas Mora, Julio Pérez Diaz, Joaquín Recaño Valverde, Sebastián Ruiz Santacruz e Pau Miret Gamundi.
Para formalizar a túa solicitude, debes enviar unha carta de motivación e un currículum vitae ao correo electrónico da Secretaría da Asociación de Demografía Histórica (ADEH): secretaria@adeh.org antes do 31 de decembro de 2022. A taxa de matrícula do curso para socios da ADEH é de 90 euros e 100 euros para o resto de candidatos.
Máis información: https://adeh.org/wp-content/uploads/2022/10/Programa-Curso-Metodos-2023.pdf