O vindeiro mes de xullo, os días 11-13, celebrarase o curso de verán “Historia da Galicia Marítima. Expansión Económica, Crise e Conflitividade Social”, coordinado polo profesor Isidro Dubert García, catedrático de Historia e director do Grupo de Investigación Historia Moderna (GI-1921). A reunión científica, que forma parte dos cursos organizados pola Universidade de Verán 2022 (USC), terá lugar no salón de actos da facultade de Filosofía, Praza de Mazarelos, Santiago. 

Actualización! A USC recoñece os cursos da Universidade de Verán 2022 a efectos de créditos ECTS (Grao) para o seu alumnado, e recibirán a tal efecto un certificado, sempre e cando cumpran coa asistencia ao 80% das horas lectivas do curso: 1 crédito ECTS.

Curso recoñecido pola Comisión Académica do Programa de Doutorado (CAPD) de Historia, Arte e Xeografía da USC (valor 10 horas). 

Matrícula:

– Taxa reducida: aplicable a estudantes universitarios, de bacharelato ou de formación profesional, pensionistas, desempregado/as, socios/as da Asociación de Antigos alumnos da USC e PDI e PAS da USC, é de 40 €. 

– Taxa xeral: excluíndo os anteriores casos, é de 70 €.

Incripcións: https://www.usc.gal/gl/servizos/cultura/veran#SANTIAGO 

                                                                 PROGRAMA

DIA 11 DE XULLO

9:15
Apertura do curso

9:30-10:30
Mar e a civilización na Galicia Antiga: indíxenas, romanos e cidades
Francisco J. González García, profesor de historia antiga na USC

10:30-11:30
O mar na Galicia medieval: de tenebroso océano a rota fundamental
Xosé M. Andrade Cernadas, profesor de historia medieval na USC

11:30-12:00 Descanso

12:00-13:00
“Sen o mar e sen o barco”. Cando Galicia perdeu o mar
Anselmo López Carreira, catedrático de historia de ensino medio

16:00-17:00
Pesca, comercio e conflito social na Galicia durante a época moderna
Isidro Dubert, catedrático de historia moderna na USC

DIA 12 DE XULLO

9:30-10:30
Comercio e intercambios na Galicia marítima durante os séculos XVIII e XIX: do tráfico negreiro ao xurdimento da banca moderna
Luís Alonso Álvarez, catedrático de historia e institucións económicas na UDC

10:30-11:30
Control estatal, conflitos e oportunidades. A matricula de mar e a pesca na Galicia do Antigo Réxime
Xosé Manuel Vázquez Lijó, profesor de historia moderna na UDC

11:30-12:00 Descanso

12:00-13:00
Entre o motín e a folga: conflito laboral e violencia colectiva nas cidades costeiras do noroeste galego a finais do Antigo Réxime
Xosé M. Cardesín, catedrático de historia dos movementos sociais na UDC

16:00-17:00
“Sardinocracia”. Os empresarios da primeira industrialización de Galicia
Xoán Carmona Badía, catedrático de historia e institucións económicas na USC

17:00-18:30 Mesa redonda cos poñentes: Comercio, pesca, industria e conflito no desenvolvemento da Galicia litoral

DIA 13 DE XULLO

9:30-10:30
Loita de clases na Galicia marítima, 1890-1945
Dionisio Pereira, catedrático de historia de ensino medio

10:30-11:30
O traballo das mulleres na Galicia litoral, 1880-1970
Luisa Muñoz Abeledo, profesora de historia contemporánea na USC

11:30-12:00 Descanso

12:00-13:00
“Para mariñeiros, nós”. A pesca na Galicia do século XX
Xesús Giraldez Rivero, profesor de historia e institucións económicas na USC

16:00-17:00
Industrialización e desindustrialización da Galicia marítima, 1959-1995
Pedro Varela Vázquez, profesor de historia e institucións económicas na USC

17:00-18:30 Mesa redonda cos poñentes: As oportunidades perdidas no desenvolvemento da Galicia marítima

18:30 Clausura do curso

Fotografías das xornadas

[Pode descargar o cartel e o programa no documento adxunto]