A Facultade de Filosofía da Universidade de Santiago de Compostela vai acoller o vindeiro día 06 de maio de 2022 o encontro científico “Os sons do poder. Música, Política e Propaganda na España Moderna”. A reunión, que forma parte dos ciclos formativos do GIHM, está coordinada por Roberto J. López López e financiada polo Grupo de Investigación Historia Moderna (GI-1921), da USC.

Esta actividade docente PRESENCIAL está recoñecida con 4 horas para o alumnado do programa de doutoramento en Historia, Xeografía e Historia da Arte da USC. Entregarase un diploma de asistencia aos estudantes dos mestrados en Historia Moderna: Monarquía de España. Séculos XVI-XVIII e Xestión do Patrimonio Artístico e Arquitectónico, Museos e Mercado da Arte, así como aos/ás alumnos/as de grado, previa inscrición (anam.sixto@usc.es) antes do 5 de maio de 2022. Os estudantes alleos á USC que queiran asistir por vía telemática deberán realizar a súa solicitude antes do 5 de maio de 2022. Haberá 25 prazas para esta fórmula. Só se entregará constancia a aqueles que asistan a todas as sesións. 

Accede á reunión en remoto premento aquí. 

Programa

06 / MAIO / 2022

AULA 3, FACULTADE DE FILOSOFÍA (USC)

9:45 h. Presentación do Seminario
10:00 h. Rubén Castro Redondo (Universidad de Cantabria):
Un percorrido pola historiografía recente sobre o emprego político da música na España do século XVIII
10:45 h. Clara Bejarano Pellicer (Universidad de Sevilla):
Entre o cabido municipal e o cabido catedralicio: as músicas do poder no mundo urbano da Idade Moderna
11:30-12:00 h. Descanso

12:00 h. Germán Labrador López de Azcona (Universidad Autónoma de Madrid):
Modalidades de participación musical no discurso do poder entre a monarquía de Carlos IV e as novas repúblicas americanas
12:45 h. Carlos Villanueva Abelairas (Universidade de Santiago de Compostela):
A imaxe do poder real nos villancicos ao Apóstolo de Xosé de Vaquedano (1642-1711)
13:30-14:00 h. Discusión xeral
14:00 h. Clausura do Seminario

Coordinación: Roberto J. López López

Organiza e financiado por: Grupo de Investigación Historia Moderna (GI-1921), Universidade de Santiago de Compostela (USC)

Concert, Leonello Spada © Musée du Louvre