Grupo de Investigación de Historia Moderna
O 16 de novembro de 2022, de 9:30 a 20:00 horas, no Consello da Cultura Galega vaise celebrar a xornada Patrimonio material e inmaterial da emigración galega a Portugal (séculos XVIII-XX). A solidariedade e cooperación transfronteiriza na Raia Seca. O encontro está coordinado por Nieves Amado e Hortensio Sobrado, membro do GIHM-USC.
O día 14 de outubro de 2022, no salón de actos da Facultade de Filosofía (USC), vanse celebras as VI Xornadas Internacionais Mulleres na Historia, coordinadas por Ofelia Rey Castelao e Ana M. Sixto Barcia, Universidade de Santiago de Compostela. Nesta ocasión, o encontro científico organizase en torno ao tema Mulleres e relixións. Esta actividade, que está aberta a toda a comunidade investigadora, forma parte dos ciclos formativos do GIHM.
Darase certificación de 10 horas aos estudantes do programa de doutoramento Historia, Xeografía e Historia da Arte da USC, por acordo da CADP, de 27 de xullo de 2022. Tamén se entregará diploma de asistencia presencial aos estudantes dos mestrados e de grados universitarios, valor dez horas.
Inscrición gratuita: ata o 12 de outubro, ás 14 horas, vía e-mail a Antonio González López (antoniogonzalez.lopez@usc.es). Os asistentes de fóra da USC deberán contactar co secretario para obter o enlace de acceso virtual.
O día 3 de outubro, ás 16.30 horas e na aula 16, comezan as actividades do mestrado universitario en Historia Moderna: “Monarquía de España. Séculos XVI-XVIII”. A conferencia inaugural, que este ano será impartida polo profesor Pegerto Saavedra, catedrático emérito de Historia Moderna da USC, leva por título, O catastro de Ensenada: unidade e diversidade nos procesos de elaboración e nos resultados.
Xa está aberto o derradeiro prazo de matrícula do ano 2022.
A “Monarquía de España” foi a organización de poder máis formidable de Europa nos séculos XVI e XVIII. Este mestrado interuniversitario pretende afondar, cun criterio revisionista, na singularidade da estrutura de poder que era a «Monarquía de España», a través da análise da cultura política que alimentou esta noción monárquica, da política de ampliación dinástica, dos seus conflitos e da relixión, que se interrelacionaba coa cultura.
O vindeiro mes de xullo, os días 11-13, celebrarase o curso de verán “Historia da Galicia Marítima. Expansión Económica, Crise e Conflitividade Social”, coordinado polo profesor Isidro Dubert García, catedrático de Historia e director do Grupo de Investigación Historia Moderna (GI-1921). A reunión científica, que forma parte dos cursos organizados pola Universidade de Verán 2022 (USC), terá lugar no salón de actos da facultade de Filosofía, Praza de Mazarelos, Santiago.
Actualización! A USC recoñece os cursos da Universidade de Verán 2022 a efectos de créditos ECTS (Grao) para o seu alumnado, e recibirán a tal efecto un certificado, sempre e cando cumpran coa asistencia ao 80% das horas lectivas do curso: 1 crédito ECTS.
Curso recoñecido pola Comisión Académica do Programa de Doutorado (CAPD) de Historia, Arte e Xeografía da USC (valor 10 horas).
Matrícula:
– Taxa reducida: aplicable a estudantes universitarios, de bacharelato ou de formación profesional, pensionistas, desempregado/as, socios/as da Asociación de Antigos alumnos da USC e PDI e PAS da USC, é de 40 €.
– Taxa xeral: excluíndo os anteriores casos, é de 70 €.
Incripcións: https://www.usc.gal/gl/servizos/cultura/veran#SANTIAGO
Os días 21 e 22 de outubro de 2021 celebrarase as IV Xornadas de Mulleres na Historia: Mulleres, Sociedade e Xustiza II, coordinadas por Ofelia Rey Castelao e Ana María Sixto Barcia. O encontro está organizado polo Grupo de Investigación Historia Moderna (GI-1921), da Universidade de Santiago de Compostela.
Esta actividade lectiva presencial está recoñecida para o alumnado do programa de Doutoramento en Historia, Xeografía e Historia da Arte da USC con 10 horas lectivas, así como para o dos mestrados Historia Moderna: Monarquía de España. Séculos XVI-XVIII e Igualdade, Xénero e Educación da USC, previa inscrición antes do 18 de outubro de 2021. Darase certificado de asistencia para o que será preciso asinar en cada unha das sesións. El alumnado do Grao en Historia ou doutros mestrados deberá consultar por e-mail se hai prazas presenciais escribindo ao correo a.rodriguez.lemos@usc.es, antes do 20 de outubro de 2021.
O alumnado de Grao e Mestrado de calquera universidade que queira asistir de forma telemática deberá solicitalo ao correo a.rodriguez.lemos@usc, antes do 20 de outubro de 2021. Haberá 40 prazas para esta fórmula, reservada a asistentes externos. Darase certificado de asistencia a quen participe en todas as sesións, presentando antes do 1 de novembro de 2021 un resumo de dez liñas de cada relatorio.
O día 20 de maio de 2022, na aula 12 da Facultade de Xeografía e Historia (USC), vanse celebras as V Xornadas Internacionais Mulleres na Historia, coordinadas por Ofelia Rey Castelao e Ana M. Sixto Barcia. Nesta ocasión, o encontro científico organizase en torno ao tema Mulleres con iniciativa na Idade Moderna. Esta actividad forma parte de los ciclos formativos del GIHM.
Darase certificación de 10 horas aos estudantes do programa de doutoramento Historia, Xeografía e Historia da Arte da USC, por acordo da CADP, de 26 de abril de 2022. Tamén se entregará diploma de asistencia presencial aos estudantes dos mestrados e de grados universitarios, valor dez horas.
Inscripción gratuita: ata o 19 de maio, ás 14 horas, vía mail a Iago Castro Táboas (iago.taboas@usc.es)
A Facultade de Filosofía da Universidade de Santiago de Compostela vai acoller o vindeiro día 06 de maio de 2022 o encontro científico “Os sons do poder. Música, Política e Propaganda na España Moderna”. A reunión, que forma parte dos ciclos formativos do GIHM, está coordinada por Roberto J. López López e financiada polo Grupo de Investigación Historia Moderna (GI-1921), da USC.
Esta actividade docente PRESENCIAL está recoñecida con 4 horas para o alumnado do programa de doutoramento en Historia, Xeografía e Historia da Arte da USC. Entregarase un diploma de asistencia aos estudantes dos mestrados en Historia Moderna: Monarquía de España. Séculos XVI-XVIII e Xestión do Patrimonio Artístico e Arquitectónico, Museos e Mercado da Arte, así como aos/ás alumnos/as de grado, previa inscrición (anam.sixto@usc.es) antes do 5 de maio de 2022. Os estudantes alleos á USC que queiran asistir por vía telemática deberán realizar a súa solicitude antes do 5 de maio de 2022. Haberá 25 prazas para esta fórmula. Só se entregará constancia a aqueles que asistan a todas as sesións.
Esta actividade científica, que está coordinada polo profesor Pegerto Saavedra Fernández, membro do GIHM, está recoñecida pola comisión do programa de doutoramento Historia, Xeografía e Historia da Arte da USC, así como polo mestrado en Historia Moderna: Monarquía de España, séculos XVI-XVIII. Non obstante, o encontro presencial está aberto á participación de toda a comunidade universitaria.
Os días 21 e 22 de abril de 2022 vaise celebrar o Seminario Internacional “Poboación, Natureza e Clima: Desequilibrios, Impactos e Desastres (Séculos XVI-XIX)”, dentro do ciclo de seminarios formativos do GIHM. O encontro está coordinado por Camilo Fernández Cortizo, Domingo Luis González Lopo e Hortensio Sobrado Correa e financiado polo Grupo de Investigación Historia Moderna (GI-1921), Universidade de Santiago de Compostela.
Esta actividade lectiva presencial está recoñecida para o alumnado do programa de Doutoramento en Historia, Xeografía e Historia da Arte da USC con 10 horas lectivas, así como para o do mestrado Historia Moderna: Monarquía de España. Séculos XVI-XVIII. Darase certificado acreditativo de asistencia aos que participen en todas as sesións.