Os días 18 e 19 de maio terá lugar no Salón de Actos da Facultade de Filosofía o Coloquio Internacional “Culturas urbanas na Idade Moderna: dinámicas e impacto no espazo rural”, coordinado polos profesores membros do Grupo de Investigación de Historia Moderna Ofelia Rey Castelao e Camilo J. Fernández Cortizo.

Organizado polo Grupo de Investigación de Historia Moderna e pola revista Obradoiro de Historia Moderna e coordinado polo prof. Camilo Fernández Cortizo, terá lugar o 22 e 23 de outubro no Salón de Actos da Facultade de Filosofía da USC.

O Seminario está recoñecido como actividade de formación metodolóxica para os alumnos do programa de doutoramento en Historia, Xeografía e Historia da Arte da USC. A asistencia ás sesións é libre e gratuíta. Aos interesados que se preinscriban entregaráselles certificado de asistencia. 

Os próximos 27 e 28 de novembro de 2014, no Salón de actos da Facultade de Filosofía (Praza de Mazarelos s/n.) celébrase o seminario A decadencia da monarquía hispánica no século XVII. Vellas imaxes e novas achegas que contará con 12 relatorios.

O VII Seminario do Obradoiro de Historia Moderna sobre novas tendencias na demografía histórica celebrarase os días 23 e 24 de outubro no Salón de actos da Facultade de Filosofía (Praza de Mazarelos. Santiago de Compostela).

Entre o 14 e 16 de xullo desenvolverase no Salón de Actos da Facultade de Filosofia da USC o Curso de Verán 2014 “Historias das historias de Galicia”.

O Curso de Primavera da USC preséntase como un foro para a análise e o debate organizado ao abeiro do convenio Lugo Cultural e orientado a complementar a formación humanística do alumnado da Universidade de Santiago, pero tamén pensado como espazo de encontro para resto da sociedade lucense. Nesta, a súa X edición, afondará no estudo da violencia na cultura e na historia a través de diferentes relatorios e actividades que se desenvolverán do 22 ao 25 de abril no salón de actos da Facultade de Humanidades.