Medio século despois da publicación de Las medidas y los hombres (Witold Kula, 1970), as ensinanzas do profesor polaco non foron esquecidas. Como el mesmo advertira, a metroloxía histórica tivo que superar a estreiteza da simple tradución e equivalencia métrica das antigas medidas, para abrirse a novos horizontes. Así foi. Sobre este postulado levantouse o I Congreso de Metroloxía Histórica Aplicada. Novas perspectivas de investigación, co obxectivo de presentar investigacións actuais que materialicen o paso adiante dado pola disciplina nos últimos anos. O prazo de envío de propostas remata o 07/01/2023.

O congreso estruturarase en dúas conferencias e catro grandes sesións:

Apertura

Rubén Castro Redondo, Universidade de Cantabria

José Ángel Robles Carbonell, Centro Español de Metroloxía

Conferencia inaugural

Sandro Guzzi-Heeb, Universidade de Lausanne,

Les heures de travail et la comptabilité de l’au-delà. Aspects de la mesure de l’espace-temps à l’époque moderne

Sesión 1. As medicións como atributo do poder. Disciplina e represión

Sesión 2. Medidas, números e Historia Económica. Comercio, mercados e moeda

Sesión 3. Metroloxía e Historia Social. Condutas, conflitos e resistencias

Sesión 4. Metroloxía e Historia Cultural. Medir e comparar. contar e calcular

Visita ao Arquivo e Museo de Pesas e Medidas do Centro Español de Metroloxía (CEM)

Conferencia de clausura

Ofelia Rey Castelao, Universidade de Santiago de Compostela,

Metroloxía histórica despois de Kula. Éxitos, retos e perspectivas de futuro

 

As inscricións son gratuítas.

As propostas (título, resumo de 300 palabras, 5 palabras clave e sesión preferente) deben enviarse a: metrologiahistorica@gmail.com

Aceptaranse traballos en español, inglés, francés, portugués e italiano.

Ao remate do congreso, invitarase aos comunicadores a participar nunha monografía colectiva, que se publicará en 2024 cunha editorial de impacto (Q1-Q2 do ranking SPI).

As propostas serán sometidas a revisión por pares cega antes da publicación.

Máis información no arquivo adxunto.