Novidade editorial. Ven de aparecer «Historia das historias de Galicia», unha obra coordenada por Isidro Dubert, catedrático de Historia Moderna e membro do G.I.H.M. Nela participan un total de doce autores, entre os que se atopan os profesores Pegerto Saavedra, Ofelia Rey Castelao e María do Carme Saavedra, membros a súa vez do G.I.H.M., os que, entre outras cousas, prestan una demorada atención á orixe, cambios e mudanzas que experimentaron as historias referidas a aspectos relevantes do noso pasado colectivo. Este é o caso da suposta «doma e castración da nobreza» polos Reis Católicos, da existencia duns pretendidos «Séculos Escuros» no curso da época moderna, da forma na que se encarou a elaboración dunha narrativa histórica por parte das elites locais ou da chegada ou instalación dos cataláns no país durante a segunda metade do XVIII, poñamos por caso.

A Tese titulada “La conflictividad vecinal en la Galicia de fines del Antiguo Régimen. Los conflictos por medidas y límites” foi dirixida pola catedrática e membro do Grupo de Investigación de Historia Moderna Ofelia Rey Castelao.

A edición do volume máis CD, que conta coa contribución de todos os membros do GI de Historia Moderna, como tamén doutros especialistas e investigadores de universidades españolas e extranxeiras, correu a cargo dos profesores Ofelia Rey Castelao e Fernando Suárez Golán.

A tese, dirixida pola catedrática de Historia Moderna Ofelia Rey Castelao, mereceu a cualificación de sobresaliente “cum laude”.

O catedrático de historia moderna Pegerto Saavedra será un dos coordinadores e rapporteurs da sesión S26: Plants from the New World: impacts on landscapes, agrarian economies and European diets (15th-20th centuries), no International Conference: Old and New Worlds. The Global Challenges of Rural History, Lisboa 27-30 xaneiro de 2016. Pola súa banda, o profesor Hortensio Sobrado presentará sendas comunicacións nas diferentes sesións da mencionada International Conference

Ven de face-la súa aparición o último número da revista Annales de Démographie Historique, (2015-1). Un número no se que conmemoran os 50 anos de existencia da Société de Démographie Historique e cuxos traballos ofrecen ó lector un balance de historiográfico dunha disciplina que dende mediados da década de 1990 atópase nun estado continua mutación e renovación; en particular naquilo que se refire ó estudo da demografía histórica da época moderna.

O catedrático e membro do G.I.H.M. Isidro Dubert participará no curso Muller e Familia: Regularidades e Transgresións, organizado pola Universidade de Córdoba e a Asociación de Estudios Históricos sobre Xénero.

Coordenado polo catedrático Isidro Dubert, o G.I.H.M. da USC está a organizar, en colaboración coa Casa de Velazquez, o Consello da Cultura Galega, a Université d’Évry Val d’Essonne (IDHES), e a Universitat de Barcelona (TIG), o Coloquio Internacional: “Formas de transmisión e construcción das capacidades e vulnerabilidades laborales en Europa, séculos XV-XXI”. O mencionado Coloquio terá lugar no Consello da Cultura Galega os vindeiros 22 e 23 de outubro de 2015, e a asistencia será libre.