Celebrouse a homenaxe ao profesor Pegerto Saavedra, membro do GIHM
No día de hoxe, 1 de decembro, celebrouse no Paraninfo da USC, Facultade de Xeografía e Historia da Universidade de Santiago de Compostela, a homenaxe ao profesor Pegerto Saavedra. Nel participaron o vicerreitor de Profesorado da USC e antigo Director do Instituto da Lingua Galega, o profesor Ernesto González Seoane, e os encargados da súa organización, os profesores Isidro Dubert e Hortensio Sobrado Correa. Xunto a eles un nutrido grupo de compañeiros da facultade, amigos e coñecidos, participaron no acto para testemuñarlle a súa estima e aprecio persoal.