Camilo Fernández Cortizo realizou unha estadía de investigación, entre o día 1 de febreiro o 3 de maio, no Centro de História, da Universidade de Lisboa (Portugal). Financiada con fondos do Programa de Estadías de mobilidade – Modalidade A. Estadías de profesores e investigadores senior en centros estranxeiros, o obxectivo do proxecto a desenrolar consistiu na consulta documental e no estudo, por unha parte, da emigración laboral a Portugal (1720-1850) e, por outra, dos exilios políticos ao reino veciño durante a primeira metade do século XIX, en particular o dos anos 1826-1830 e o de 1846, neste caso, tras a derrota do levantamento galego de 1846. Unha primeira presentación das fontes documentais consultadas e dos resultados máis relevantes foi realizada no transcurso da propia estadía, no IV Seminario Internacional GEHSOMP, Migracións e mobilidade social na época moderna, celebrado na Facultade de Filosofía e Letras da Universidade de Extremadura, en Cáceres, o día 20 abril de 2017, no marco da Ponencia “A emigración galega ao norte de Portugal (1720-1850)”.