Liñas de investigación

O Grupo Historia Moderna desprega a súa actividade atendendo a diferentes liñas de investigación:

• Historia das sociedades rurais, das súas estruturas económicas e das políticas fiscais no Antigo Réxime, xunto con outros centros de interese como as prácticas agrícolas, a evolución da paisaxe agraria ou a pegada ecolóxica das actividades campesiñas.
• Demografía histórica con especial interese pola historia da familia; a vellez e os procesos de avellentamento; a estrutura da poboación urbana; as migracións campo-cidade, a emigración laboral peninsular e transatlántica ou o exilio político.
• Historia social co estudo do servizo doméstico rural e urbano, os fenómenos de mobilidade social, a análise das clases desfavorecidas, pero tamén das elites, cun especial interese pola historia familiar, o status e a reprodución social da nobreza; a aproximación de xénero ás realidades sociais, económicas e culturais; a interpretación de conflitos veciñais e metrolóxicos, ou a análise da vida cotiá.
• Historia da cultura, con especial énfase nos procesos produción cultural, na difusión e comunicación escrita e verbal,  nos niveis de alfabetización e educación; a análise do comercio literario, a extensión da cultura letrada e o estudo das relacións entre cultura e poder.
• Historia da Igrexa, con aproximacións sociolóxicas ao clero e ás redes parroquiais; ou á vida nos mosteiros e a súa relevancia económica, social e cultural.
• Historia militar e da guerra, coa análise da evolución da organización militar, a composición social do exército ou o financiamento das accións bélicas.
• Historia política con especial atención ás relacións internacionais, ás ideas políticas e á creación de imaxinarios e da opinión pública, a análise do exercicio do poder e a formación de elites.
• Historia económica con centros de interese como a formación de dominios, a súa composición e xestión patrimonial, o funcionamento do sistema rendista, a análise do consumo e a comercialización, o estudo do funcionamento dos mercados de traballo urbanos ou a investigación do crédito e a circulación monetaria.