O Colloque Internationale de la Société de Démographie Historique desenvolveuse entre os días 27 e 29 de novembro na Maison des Sociences de l'Homme de Lyon e contou coa participacion de vintecinco poñentes procedentes de Francia, Grecia, Angola, Italia, España, Rumania, Austria e Suiza, os que analizaron a forma que o divorcio, a separación e a nulidade matrimonial asumiron en cada unha das súas respectivas sociedades, así como as súas implicacións aos máis variados niveis, ao longo da historia.

O profesor Isidro Dubert formou parte do comité científico que organizou o mencionado coloquio e, asemade, presidiu e dirixíu os debates da sesión: Mobilités et mixites.