?? Descargar programa

Este simposio constitúe unha invitación para entrar por aquela “porta”, centrando o eixo analítico e as propostas nunha perspectiva de xénero para, desde ela, dialogar co eixo  epistemológico global do noso proxecto: as resistencias, no contexto das sociedades que se articulan entre os séculos  XVI e  XIX. Trátase, en definitiva, dun evento que busca promover o intercambio entre investigadoras e investigadores, con diferentes enfoques e perspectivas teóricas, ampliando o debate  historiográfico a obxecto de contribuír na construción de novos saberes sobre o xénero e a resistencia na época moderna americana e europea.

A  resignificación do poder e a violencia, así como a produción de representacións, discursos e prácticas, poden adquirir novos sentidos e informarnos sobre os complexos e dinámicos avatares no marco dos Imperios Ibéricos. Nestes contextos, cobran especial relevancia os distintos grupos e actores que, a través das súas respectivas sensibilidades e prácticas, propiciaron cambios históricos que impactaron na conformación social nos distintos espazos (urbano e rural) e na ampla temporalidade do que se denomina época moderna.

Dentro da renovación  historiográfica que enriqueceu o diálogo interdisciplinario das últimas décadas con novos enfoques socioculturais, a perspectiva de xénero consolidouse como unha “porta de entrada” fundamental na investigación de problemas e procesos do pasado. As identidades, representacións e experiencias de xénero, polo mesmo, xurdiron como unha canle privilexiada para levantar preguntas, sustentar interpretacións e, en definitiva, avanzar decisivamente nunha comprensión máis ampla do coñecemento do pasado, rescatando da  invisibilización disciplinaria a actores indiscutibles do seu devir.