Acaba de sair á venda o libro Dimensiones del Conflicto: Resistencia, Violencia y Policía en el mundo urbano, editado por Tomás A. Mantecón, Marina Torres Arce e Susana Truchuelo García. Neste traballo, publicado pola Universidade de Cantabria, hai diferentes achegas de investigadores vinculados á USC, como Francisco Cebreiro Ares, membro do GIHM, co capítulo “El doble movimiento y el hambre: la reconstrucción del orden frumentario en Santiago de Compostela y su comarca ante la crisis de 1769”. Neste volume tamén se poden atopar traballos de Rubén Castro Redondo, Monica F. Armesto, Ana M. Sixto Barcia, así como ensayos de Angela de Benedictis e Livio Antonielli, entre outros.

Sinopse:
Dimensións do conflito: resistencia, violencia e policía no mundo urbano ofrece unha galería de expresións do conflito e formas de recompoñelo en diversos contextos, entre o Antigo Réxime e as sociedades liberais. A perspectiva transfronteiriza e comparativa que se adopta neste traballo ofrece un panorama contrastado sobre as concrecións do conflito e a orde, sobre os factores, discursos imaxinarios e os actores que participaron nos procesos de cambio histórico mediante resistencia, violencia e a policía nos espazos urbanos deste amplo período histórico. Cun enfoque multidisciplinar, este libro ábrese, deste xeito, a unha reflexión global sobre o conflito, a disciplina e a paz pública nas cidades; considera un marco espacial amplo que conecta experiencias europeas e outras de Asia e América e, ao mesmo tempo, ofrece unha visión diacrónica, que analiza as transicións cara á modernidade.

Enlace externo: https://www.editorial.unican.es/libro/dimensiones-del-conflicto-resistencia-violencia-y-policia-en-el-mundo-urbano