A fronteira de Galicia apenas sufriu modificacións nos últimos cincocentos anos, polo menos no que se refire á súa administración civil: o reino —ata 1833, rexión ata 1981 e desde entón comunidade autónoma—, non viu variar substancialmente os seus termos durante a Idade Moderna, aínda que si houbo algunhas alteracións e, en todo caso, os seus bordos foron o escenario habitual de enclaves e peculiaridades territoriais que se orixinaron obviamente pola confluencia de dúas e a miúdo máis unidades administrativas maiores, xa provincias, reinos ou coroas.