Entre os obxectivos deste traballo está facer algunhas precisións sobre a periodización da introdución e progresión do cultivo da pataca na Galicia da Idade Moderna, prestando atención aos factores desencadeantes da súa expansión, así como ao papel xogado na difusión da nova planta pola iniciativa campesiña fronte ao fomento institucional. Igualmente, pretendese precisar o alcance das consecuencias económicas, sociais e demográficas que desde finais do século XVIII e ao longo da primeira metade do XIX tivo a implantación das patacas no sistema agrario galego, a fin de aquilatar o verdadeiro protagonismo que dito tubérculo de orixe americano adquiriu en territorio galego.