A entrada de Portugal na alianza contra os Borbóns durante a Guerra de Sucesión de España (1700-1714) abriu unha fronte militar no sur de Galicia que esixiu a mobilización de homes e recursos e a implicación de todas as institucións galegas, empezando polo arcebispo de Santiago, frei Antonio de Monroy, que desde 1691 mantiña correspondencia co rei Pedro II. Esta situación provocou que portugueses residentes en Galicia fosen obxecto de sospeita e acusados o seu suposto apoio ao inimigo. Este artigo céntrase no estudo da participación e a actitude dos portugueses en Galicia durante o conflito, a visión que se tiña deles, o posicionamento das diferentes institucións e as repercusións da guerra con Portugal no plano simbólico e político.