O dito “en Galicia a fame entra nadando” xustifícase na época moderna polo feito de que a maior parte das malas colleitas son causadas por chuvias excesivas e continuas, sobre todo nos meses estivais. En consecuencia, o presente traballo trata de analizar a través das rogativas celebradas na cidade de Pontevedra de 1586 a 1783, as relacións entre as variacións do tempo, as colleitas e a mortalidade en dúas xurisdicións litorais, a da Lanzada e a do Morrazo, próximas á vila pontevedresa, onde as rogativas “pro serenitate” duplican en número durante os séculos XVII e XVIII ás cerimonias “pro pluvia”.