A Constitución de 1812 supuxo un considerable cambio na configuración política e institucional da Monarquía Hispana. O seu contido e significado debían facerse chegar á poboación para que a comprendesen  e aceptasen formalmente. Este labor pedagóxico e institucional desenvolveuse a través da organización de diversos programas de carácter festivo nos que se incluíu o necesario acto de xúraa. Revísanse neste artigo algunhas das cerimonias e celebracións que tiveron lugar en varias localidades galegas e asturianas coa finalidade de coñecer os recursos empregados, os seus significados e o seu posible papel na configuración dunha nova mentalidade política.