Núcleos de poder, lugares de residencia das elites, centros de produción e intercambio económico e focos de creación e difusión de novos modelos culturais, as cidades son un espazo privilexiado para o estudo e o coñecemento das sociedades humanas nas diferentes épocas. Nesta obra ofrécese un percorrido pola historia de Santiago de Compostela, desde os poboamentos previos á súa fundación, co descubrimento do que foi identificado como sepulcro do Apóstolo Santiago, até a actualidade.