A inmigración e o envellentamento demográfico son unha realidade nas sociedades actuais. Con todo, a miúdo, o seu tratamento mediático e académico alimenta dous mitos estreitamente relacionados entre si: que o crecente rexeitamento das mulleres para ser nais desembocou nun irremediable envellecemento da poboación e que, para frealo, os gobernos permitiron unha invasión descontrolada de inmigrantes que altera as “naturais” condicións de vida da poboación local. Fronte a iso, quen participa neste libro defenden que a demografía debe recuperar o espazo ocupado polos medios de comunicación, os políticos, tertulianos e demais afeccionados ao tema. Só así poderá establecerse unha guía científica e dar unha explicación coherente aos problemas que hoxe expoñen estes acontecementos demográficos. A análise do sucedido en diferentes países e rexións europeas, cunha especial atención a Galicia, laboratorio de moitas das actuais políticas demográficas e familiares españolas, desvela o que se oculta tras a hostilidade que os populismos mostran cara á inmigración, a responsabilidade que as malas condicións socioeconómicas tiveron e teñen sobre a caída da natalidade ou a ineficacia das políticas  natalistas e  familistas ensaiadas polos distintos gobernos para remediala. Unhas políticas que, ademais, esconden problemas estruturais, como o desemprego ou a precariedade laboral, os cales, de non resolverse, seguirán alentando a baixa natalidade, a emigración, o envellecemento e os medos da poboación local.