O traballo estuda as estratexias diferenciais de reprodución social na Galicia da Idade Moderna, centrándose na análise dos tres principais sectores da sociedade rural –as elites fidalgas, o campesiñado e as mulleres ao fronte dos seus fogares–, a través da observación de itinerarios vitais e traxectorias familiares. Xunto ao sexo, a idade, a riqueza e o estatus como variables que influían nos diferentes comportamentos, tamén se introduce a análise do papel das conxunturas, así como, a importancia da iniciativa persoal máis alá das estratexias familiares. Finalmente, confirmase o protagonismo social das mulleres que encabezaban os seus propios fogares, evidenciando cómo na súa propia existencia e destino eran claves as relacións interxeneracionais e as establecidas con outros membros da comunidade.