As relacións políticas e económicas entre Portugal e Galicia sufriron un cambio radical por mor da independencia do primeiro reino en 1128. No entanto, a contigüidade territorial e a amplitude das súas fachadas marítimas seguiron favorecendo  a circulación de persoas e as relacións económicas, salvo en períodos de guerra. Nos tempos medievais, estes contactos mutuos canalizábanse ante todo a través do tráfico terrestre e marítimo e da pesca, especialmente a través dos portos de Viana do Castelo e do Porto. Sectores económicos privilexiados da presenza de galegos no norte de Portugal, a partir da década de 1720 a emigración  incrementouse aínda máis en número e diversificouse en canto ás actividades dos emigrantes. En consecuencia, a secuencia temporal da súa chegada, as súas condicións persoais (sexo, estado e idade), as súas dedicacións profesionais e, finalmente, o tempo de residencia pasaron a ser cuestións prioritarias da análise que se realiza no presente traballo de investigación.