O obxectivo do traballo centrase na análise da familia na Galicia do Antigo Réxime, prestando atención  ao estudo de aspectos como a xeografía das formas de organización familiar, o tamaño e a composición familiar, ou o matrimonio e as estratexias familiares. Tamén nos ocupamos da análise da familia e a muller no ámbito urbano, o servizo doméstico (criados rurais, criados urbanos), ou da ilexitimidade, o matrimonio e o control social. O segundo bloque temático focalízase no estudo das idades da vida (a infancia, a mocidade, a vellez) e a reprodución sociofamiliar.