A investigación sobre a reforma relixiosa en Galicia na época moderna constitúe na actualidade unha corrente que aglutina un número relativamente elevado de autores e de estudos, de cuxa nómina quérese dar conta no presente artigo, que pretende, por unha parte, enumerar e describir as liñas de investigación en curso e, por outra, facer unha síntese dos principais resultados de investigación sobre a reforma da Igrexa e do clero galegos e, máis en concreto, sobre a situación no período anterior ao seu inicio, no século XV, e sobre os procesos de renovación no seo das ordes relixiosas, do episcopado, do clero capitular e do parroquial e, finalmente, sobre as relacións entre a reforma e a cultura popular e as súas resistencias.