Programa de Doutoramento en Medicina Molecular

Sen complementos de formación

A) Estudantes que teñan cursado algún dos seguintes másteres da USC:

• Investigación Biomédica (P2061)

• Investigación e Desenvolvemento de Medicamentos (P2101)

• Neurociencia (P2012)

• Biotecnoloxía (P1022)

B) Estudantes co título de DEA obtido a través dos Programas da USC

• Medicina Molecular

• Ciencias Forenses e Patoloxía

• Bioquímica e Bioloxía Molecular

• Interuniversitario en Endocrinoloxía

• Bioloxía Celular

Outros perfís:

• A CAPD avaliará de forma individualizada cada caso. Considerarase a posibilidade de esixir aos alumnos complementos de formación (como máximo ata 15 créditos) de entre as materias ofertadas polo Máster de Investigación Biomédica.

• No caso doutros perfís que non realicen Máster necesitarase unha equivalencia de formación en créditos de investigación, iguais polo menos aos do máster que dá acceso directo, que serán 60 ECTS.

Os alumnos deberán acreditar un coñecemento de lingua inglesa de NIVEL B1 do Marco Común Europeo de Referencia sobre Coñecemento de Linguas, ou equivalente.

Acceso

1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

2. Así mesmo, poderá acceder quen se atope nalgún dos seguintes supostos:

a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

e) Estar en posesión doutro título español de doutor obtido conforme anteriores ordenacións universitarias.

f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Preacordo de titorización ou entrevista persoal (No caso de non existir un preacordo, a CAPD concertará unha entrevista persoal co candidato, á que poderán asistir, previa invitación da Comisión, os profesores do PDMM.): ata 6 puntos

• Valoración do expediente e curriculum: ata 4 puntos

Para ser admitidos no Programa, os candidatos deben obter polo menos 5 puntos na valoración de criterios específicos.

O programa de doutoramento poderá extinguirse por algunha das seguintes causas:

• Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

• Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo alumnado no programa de doutoramento.

• En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Comprensión sistemática dun campo de estudo e dominio das habilidades e métodos de investigación relacionados co devandito campo.
• Capacidade de concibir, deseñar ou crear, pór en práctica e adoptar un proceso substancial de investigación ou creación.
• Capacidade para contribuír á ampliación das fronteiras do coñecemento a través dunha investigación orixinal.
• Capacidade de realizar unha análise crítica e de avaliación e síntese de ideas novas e complexas.
• Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional.
• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

Outras competencias

• CE01. Desenvolver un traballo de investigación de calidade segundo estándares internacionais nalgunha das liñas de investigación do Programa.
• CG02. Ser capaz de expresarse e comunicarse con eficacia mediante o uso do inglés científico, tanto escrito como falado.
• CG03. Presentar e defender o traballo de investigación propio ante un público experto, tanto en español como en inglés.
• CE04. Manexar as técnicas cualitativas e cuantitativas necesarias para o deseño de experimentos no ámbito da Medicina Molecular.
• CG05. Coñecer en detalle a fronteira do coñecemento no ámbito de realización da Tese Doutoral e ser capaz de identificar os principais retos de investigación dentro do mesmo.
• CG06. Ser capaz de divulgar a propia investigación en publicacións referenciadas a nivel internacional

CE01- Desenvolver un traballo de investigación de calidade segundo estándares internacionais nalgunha das liñas de investigación do Programa.
CG02- Ser capaz de expresarse e comunicarse con eficacia mediante o uso do inglés científico, tanto escrito como falado.
CG03- Presentar e defender o traballo de investigación propio ante un público experto, tanto en español como en inglés.
CE04- Manexar as técnicas cualitativas e cuantitativas necesarias para o deseño de experimentos no ámbito da Medicina Molecular.
CG05- Coñecer en detalle a fronteira do coñecemento no ámbito de realización da Tese Doutoral e ser capaz de identificar os principais retos de investigación dentro do mesmo.
CG06- Ser capaz de divulgar a propia investigación en publicacións referenciadas a nivel internacional