Créditos ECTS Créditos ECTS: 6
Horas ECTS Criterios/Memorias Horas de Titorías: 1 Clase Expositiva: 24 Clase Interactiva: 26 Total: 51
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Economía Cuantitativa
Áreas: Economía Cuantitativa (propia da USC)
Centro Facultade de Ciencias Económicas e Empresariais
Convocatoria: Primeiro semestre
Docencia: Con docencia
Matrícula: Matriculable | 1ro curso (Si)
- Achegar coñecementos instrumentais sobre os fundamentos do álxebra lineal e do cálculo diferencial dunha variable que serán necesarios para a aprendizaxe do resto das materias do grao que precisen de contidos cuantitativos, así coma para o futuro profesional do estudante.
- Comprender os conceptos básicos presentados no programa e os resultados que os relacionan.
- Aplicar correctamente e con rigor os coñecementos propostos no programa na resolución práctica de problemas.
- Interpretar correctamente os resultados obtidos, especialmente en problemas de natureza económica.
- Manexar ferramentas informáticas que permitan a representación e a resolución de problemas afíns aos contidos da materia.
Bloque I - Álxebra lineal
Tema 1 - Espazos vectoriais
1.1. O espazo vectorial Rn
1.2. Subespazos vectoriais
1.3. Combinación lineal. Sistema de xeradores
1.4. Dependencia e independencia lineal
1.5. Base e dimensión dun espazo vectorial
Tema 2 – Matrices e determinantes
2.1. Definicións básicas e tipos de matrices
2.2. Operacións con matrices
2.3. Determinantes: concepto e cálculo
2.4. Propiedades dos determinantes
2.5. Rango dunha matriz
2.6. Inversa dunha matriz
Tema 3 – Aplicacións lineais
3.1. Definición e tipos de aplicacións lineais
3.2. Operacións con aplicacións lineais
3.3. Núcleo, imaxe e inversa dunha aplicación lineal
3.4. Matriz asociada a unha aplicación lineal
Tema 4 - Sistemas de ecuacións lineais
4.1. Definicións. Tipos de sistemas e de solucións
4.2. Sistemas homoxéneos
4.3. Sistemas de Cramer
4.4. Resolución xeral dun sistema compatible
Bloque II - Cálculo diferencial
Tema 5: O espazo euclídeo n-dimensional
5.1. Produto interior, norma e distancia
5.2. Nocións topolóxicas en R e Rn
5.3. Sucesións de números reais. Límite dunha sucesión
5.4. Sucesións en Rn
Tema 6: Funcións de R en R: límites e continuidade
6.1. Funcións reais de variable real: concepto e operacións
6.2. Límite dunha función
6.3. Operacións con límites e cálculo de límites
6.4. Continuidade dunha función
6.5. Teoremas relativos ás funcións continuas
Tema 7: Funcións de R en R: diferenciabilidade
7.1. Concepto de derivada
7.2. Cálculo de derivadas
7.3. Diferencial dunha función nun punto
7.4. Teoremas relativos ás funcións diferenciables
7.5. Derivadas sucesivas. Funcións de clase n
7.6. Teorema de Taylor
7.7. Representación e estudo da gráfica dunha función
A. Bibliografía básica:
A.1. Manuais
- Jarne, G.; Pérez-Grasa, I.; Minguillón, E.(1997): Matemáticas para la Economía. Álgebra Lineal y Cálculo Diferencial. Ed. McGraw-Hill
- Pallas, J; Miranda, F; Ramos, A.; De Miguel, J.C.(2003): Manual de Álgebra Lineal. Tórculo Ed.
A.2. Libros de exercicios
- Minguillón, E.; Pérez-Grasa, I.; Jarne, G.(2004): Matemáticas para la Economía. Álgebra Lineal y Cálculo Diferencial. Libro de ejercicios. Ed. McGraw-Hill
B. Bibliografía complementaria:
B.1. Manuais
- Alegre, P.; Ortí, F.J.; Sáez, J.B.; Sancho, T.; Rodríguez, G.; González-Vila, L.M. (1995): Matemáticas empresariales. Ed. AC
- Arya, J.C.; Lardner, R.W. (2009): Matemáticas Aplicadas a la Administración y a la Economía. Ed. Prentice-Hall
- Caballero, R.; González, A.C.; Triguero, F.A. (1992): Métodos matemáticos para la Economía. Ed. McGraw-Hill
- Camacho, E. (Coord.) (2005): Fundamentos de Cálculo para Economía y Empresa. Ed. Delta
- Chiang, A.C. (2006): Métodos Fundamentales de Economía Matemática. Ed. McGraw-Hill
- García, M.T.; Ruiz, A.; Saiz, J.A. (1993): Álgebra. Teoría y Ejercicios. Ed. Thomson Paraninfo
- Sydsaeter, K.; Hammond, P.; Carvajal, A. (2012): Matemáticas para el Análisis Económico. Ed. Pearson-Prentice-Hall
- Sydsaeter, K.; Strom, A.; Berck, P. (2005): Economists’ Mathematical Manual. Ed. Springer
B.2. Libros de exercicios
- Arvesú, J.; Marcellán, F.J.; Sánchez, J. (2015): Problemas resueltos de Álgebra Lineal. Ed. Thomson Paraninfo
- Caballero, R.; Calderón, S.; Galache, T.P.; González, A.C.; Rey, Mª.L.; Ruiz, F. (2000): Matemáticas aplicadas a la economía y a la empresa. 434 ejercicios resueltos y comentados. Ed. Pirámide
- Calvo, M.E.; Escribano, M.C.; Fernández, G.M.; García, M.C.; Ibar, R.; Ordás; M.P. (2003): Problemas resueltos de Matemáticas aplicadas a la Economía y la Empresa. Ed. AC
- López Cachero, M.; Vegas, Á. (2000): Curso básico de Matemáticas para la Economía y Dirección de Empresas. II. Ejercicios. Ed. Pirámide
C7. Coñecer e interpretar as ferramentas e técnicas cuantitativas fundamentais (matemáticas, estatísticas, econométricas) para a análise, diagnóstico e prospección económico-empresarial e para a toma de decisións.
HD2. Manexar a comunicación oral e escrita de forma precisa e clara para transmitir coñecementos, resultados, problemas e solucións.
HD7. Manexar distintas técnicas cuantitativas e/ou cualitativas para a visualización, a análise e a modelización dos datos económico-empresariais.
HD8. Empregar eficientemente as ferramentas informáticas aplicadas ás diferentes materias propias da Ciencia Económica e os medios tecnolóxicos ao seu alcance.
HD9. Empregar as técnicas que se utilizan máis habitualmente en Economía para representar formalmente os modelos e teorías económicas.
CP3. Avaliar de forma crítica a información económica significativa para dar apoio á toma de decisións no ámbito privado ou no público.
CP4. Elaborar estudos e informes sobre cuestións económicas, cun alto grao de autonomía e obter deles conclusións útiles para a comprensión e resolución de problemas de índole económica.
CP8. Xerar estudos e informes a partir da análise e a modelización de datos económicos, empregando técnicas e ferramentas matemáticas, estatísticas e econométricas.
A metodoloxía docente estrutúrase en base a 4 compoñentes:
1) Sesións expositivas (24 horas) - Nestas sesións (en grupo grande) explicaranse os contidos teóricos de cada un dos temas que conforman a materia, combinándoos con exercicios prácticos que permitan asimilar e comprender con máis facilidade ditos contidos. Neste tipo de sesións fomentarase a participación do alumnado. Para a exposición dos contidos o docente valerase de presentacións e dos soportes informáticos precisos para reducir o grao de abstracción de aqueles aspectos da materia que teñan unha maior complexidade. Ademais resolveranse algúns exemplos prácticos para que os estudantes poidan ver a aplicabilidade dos contidos, intentando centrar ditos exemplos sempre que sexa posible no ámbito económico. O material teórico para o seguimento das sesións será posto a disposición do alumnado no Campus Virtual con anterioridade á sesión correspondente.
2) Sesións interactivas (26 horas) - Das 26 horas, o 75% (18 horas) impartiranse en sesións de seminario e o 25% (8 horas) en sesións de laboratorio. Nas sesións interactivas a participación do alumnado é preferente. Por este motivo valorarase unha participación activa dos mesmos. Serán propostos distintos exercicios e/ou problemas que sirvan de aplicación aos contidos teóricos presentados nas sesións expositivas. Estará dispoñible no Campus Virtual da materia con antelación á sesión o material que se considere preciso. Durante estas sesións e sempre que o tema o permita, primarase a resolución de exercicios e problemas cunha aplicación económica ou enfocada a outras materias da titulación, a fin de que o alumnado poida ver a súa utilidade práctica. Finalmente, estas sesións tamén poden ser utilizadas para introducir ao alumnado en ferramentas informáticas que apliquen os conceptos do programa.
3) Traballo autónomo (99 horas) - Na medida en que o tempo das aulas é limitado, e para unha mellor comprensión e asimilación dos conceptos da materia, é preciso que o alumnado dedique un tempo adicional fóra da aula docente ao estudo dos diferentes temas e á preparación e resolución de exercicios e actividades adicionais. Este tempo de estudo será variable e dependerá dos coñecementos previos do alumnado, da facilidade de asimilación de conceptos formais de ámbito matemático,... En calquera caso, tendo en conta o emprego dunha linguaxe formal específica estímase que, en promedio, cada alumno debería dedicar ao traballo autónomo aproximadamente 2 horas por cada hora docente presencial. Detállase máis sobre esta metodoloxía no apartado Tempo de traballo e estudo persoal.
4) Titorías (1 hora de titoría en grupo reducido máis 6 horas semanais dispoñibles) - Lémbrase ao alumnado que o docente da materia ten dispoñibles 6 horas semanais de titorías para atender aos estudantes. Esta metodoloxía suporá outro medio de transmisión de coñecementos. A través das titorías o alumnado poderá resolver aquelas dúbidas que lle xurdan con respecto á materia en canto aos conceptos presentados nas sesións expositivas, aos exercicios ou actividades realizados nas aulas interactivas ou no desenvolvemento do traballo autónomo. O estudante debe solicitar unha titoría co docente en canto detecte calquera dificultade ou problema no seu proceso de aprendizaxe.
O sistema de avaliación é válido tanto para a 1ª como para a 2ª oportunidade.
Para esta materia existen dous sistemas de avaliación:
1) Sistema de avaliación xeral
O sistema de avaliación xeral será o que se aplique a todos os estudantes que non dispoñan dun recoñecemento oficial de dispensa de asistencia a clase. Neste sistema de avaliación existen dous compoñentes de avaliación: avaliación continua e avaliación final. A cualificación final da materia será o resultado da suma das cualificacións obtidas en cada unha desas compoñentes.
- A avaliación continua avaliará a participación activa do alumnado durante as clases, así como a realización de traballo, exercicios, problemas e/ou probas que se propoñan ao longo das sesións docentes. Estes exercicios, traballos e probas poderán desenvolverse na aula docente, na aula de informática ou utilizando as ferramentas telemáticas que se atopan dispoñibles no Campus Virtual.
- A avaliación final consistirá nunha proba obrigatoria que se desenvolverá na data oficial aprobada pola facultade.
A ponderación de cada compoñente da avaliación na cualificación final da materia será a seguinte:
a. Avaliación Continua – 30% da cualificación final da materia
b. Avaliación Final – 70% da cualificación final da materia
2) Sistema de avaliación para o alumnado con dispensa de asistencia
A dispensa de asistencia está regulada en virtude do "Regulamento de asistencia a clase nas ensinanzas oficiais de grao e máster". Este sistema de avaliación é aplicable só a aqueles estudantes que teñan recoñecida a dispensa de asistencia de xeito oficial.
Sistema de avaliación: O estudante con dispensa de asistencia a clase concedida obterá o 100% da cualificación a través do exame final da materia.
A asistencia a clase pasa a estar regulada polo "Regulamento de asistencia a clase nas ensinanzas de grao e máster". A simple asistencia ás sesións docentes non terá ningunha valoración na cualificación final da materia.
Para os casos de realización fraudulenta de exercicios ou probas será de aplicación o recollido na "Normativa de avaliación do rendemento académico do estudantado e de revisión de cualificacións".
- Durante a celebración de probas e actividades avaliables, a utilización por parte do estudante de material non autorizado expresamente polo profesorado, así como o uso de teléfono móbil ou de calquera outro medio susceptible de ser utilizado para a comunicación e/ou almacenamento e intercambio de información, suporá a cualificación de Suspenso (0.0) na materia, sen prexuízo de que isto poida derivar adicionalmente en sanción académica.
- Na realización de traballos, o plaxio e a utilización de material non orixinal, incluído aquel obtido a través da internet, sen indicación expresa da súa procedencia será considerada causa de cualificación de Suspenso (0.0) na materia, e se procede, de sanción académica.
- Corresponderalle aos organismos administrativos correspondentes da Universidade de Santiago de Compostela, a proposta da Comisión Académica do Grao en Economía, solicitar a apertura do correspondente expediente sancionador, unha vez escoitado ao profesorado responsable.
Como se indicou previamente no apartado da metodoloxía de ensinanza o estudante, ademais da asistencia ás actividades docentes presenciais, debería dedicar aproximadamente 99 horas ao longo do cuadrimestre para estar en condicións óptimas de superar a materia. Isto supón aproximadamente 7 horas semanais de traballo persoal autónomo. Esta é unha materia de 6 créditos ECTS e a carga de traballo medio que se require para superar unha materia dun grao universitario con esa carga é de 150 horas de traballo do estudante. Dado que o estudante ten aproximadamente unha carga docente de 51 horas presenciais (24 de docencia expositiva, 26 de docencia interactiva e 1 hora de titorización en grupo reducido), as 99 horas restantes son horas que debería dedicar a traballar de maneira autónoma a materia para asimilar os contidos da mesma. Isto implica que o estudante debería dedicar a preparar os contidos da materia en promedio semanalmente 2 horas por cada hora docente presencial. E iso asumindo que o estudante aproveita as sesións docentes presenciais. Se non o fai, ese tempo debería incrementar o tempo de estudo e traballo autónomo.
Ademais, ese tempo de estudo e de traballo autónomo debería distribuírse ao longo do cuadrimestre de maneira regular. Isto é especialmente importante xa que os coñecementos nesta materia son acumulativos e os coñecementos de cada tema son a base sobre os que se sustentan os coñecementos do tema seguinte. Por este motivo, e dado que ademais as actividades de avaliación continua se distribúen de xeito regular ao longo do cuadrimestre, é fundamental levar os coñecementos da materia ao mesmo ritmo que se expoñen nas sesións docentes. Para realizar ese traballo autónomo o estudante dispón dos recursos dispoñibles no Campus Virtual, dos manuais da bibliografía básica e complementaria e dos programas e paquetes informáticos indicados polo docente nas sesións docentes. Para calquera dúbida ou problema que o estudante detecte no seu tempo de estudo e de traballo autónomo o estudante pode solicitar unha titoría co profesor da materia.
Aconséllase o emprego da bibliografía recomendada, tanto básica coma complementaria, onde o alumnado ten a súa disposición material suficiente, tanto de carácter teórico coma práctico, para un correcto desenvolvemento do traballo autónomo e para afondar nos coñecementos dos distintos temas.
Para aqueles estudantes que tiveron dificultades coas materias de matemáticas na educación secundaria ou no bacharelato, estará dispoñible no Campus Virtual da materia un Curso cero de Matemáticas, onde o alumnado pode refrescar algúns deses contidos.
Establécense unha serie de recomendacións para unha adecuada asimilación dos conceptos da materia e para un correcto desenvolvemento das habilidades e competencias sinaladas nesta programación:
- En primeiro lugar recoméndase a participación activa nas sesións docentes. Lémbrase que a Universidade de Santiago de Compostela é unha universidade pública presencial, polo que se se asume que o estudante debe asistir ás aulas, xa que o propio estatuto do estudantado da universidade recoñece esta asistencia ás aulas como un dereito e un deber.
- Recoméndase situarse nas primeiras filas da aula para facilitar a audición e a visión.
- Esta materia é unha materia acumulativa e progresiva, o que supón que a comprensión de conceptos previos para poder estudar os novos. Desta maneira na maior parte dos casos os contidos dun tema supoñen unha base sen a que non se pode comprender e asimilar o seguinte. Por este motivo é fundamental un traballo regular fóra da aula para asentar os contidos explicados nas sesións docentes e preparar as actividades, para non quedar descolgado do temario e perder a oportunidade de mellorar a cualificación que supoñen as actividades e probas de avaliación continua.
- Débese aprender a diferenciar o que é propiamente estudo e memorización do que é a asimilación e comprensión do explicado. Para dominar os conceptos e as definicións, especialmente nun ámbito como o matemático, non é suficiente con aprender de memoria os conceptos e exercicios. É moito máis eficaz e eficiente afondar no seu significado realizando o traballo persoal correspondente.
- Tamén se recomenda realizar un esforzo inicial para habituarse ao emprego dunha linguaxe matemática precisa, especialmente para aquel alumnado que teña unha maior dificultade coas materias deste ámbito.
- Se o alumnado ten dificultade coa formalización matemática dos conceptos, é aconsellable que primeiramente trate de comprendelos intuitivamente para que despois poida familiarizarse coa súa expresión matemática.
- Esta materia, e especialmente aqueles conceptos novos que entrañen máis dificultade, debe estudarse con bolígrafo e papel. Considérase fundamental, para unha axeitada asimilación da materia e o desenvolvemento da intuición, saber escribir correctamente na linguaxe matemática e representar xeometricamente, na medida do posible, todos aqueles conceptos e situacións que se formulen durante o curso. Visualizar xeometricamente calquera novo concepto será dunha grande axuda para a súa comprensión e mellorará a capacidade de razoamento lóxico.
- Recoméndase o emprego do horario de titorías docentes para aclarar todas as dúbidas ou problemas que lle xurdan ao estudante sobre a materia e que non consiga resolver co traballo autónomo.
- Pódense atopar na rede recursos adicionais que permitan a asimilación de coñecementos previos e/ou básicos relacionados coa materia. A modo de exemplo:
a. Jarne, G.; Minguillón, E.; Zabal, T. (2009): Curso básico de Matemáticas para estudiantes de Económicas y Empresariales. Universidad de Zaragoza. Accesible en https://aragon3.unizar.es/
b. Red Educativa Descartes (2008): Proyecto Descartes: Matemáticas. Ministerio de Educación, Cultura y Deporte. Accesible en https://proyectodescartes.org/descartescms/matematicas
c. Osborne, M.J. (1997): Mathematical methods for economic theory. Universidad de Toronto. Accesible en https://mjo.osborne.economics.utoronto.ca/index.php/tutorial/index/1/in…
d. Dawkins, P. (2003): Paul’s online math notes. Universidad de Lamar. Accesible en https://tutorial.math.lamar.edu/
- A lingua prioritaria para impartir a docencia será o galego.
- Recoméndase consultar na páxina web da facultade as datas das convocatorias de dispensa de asistencia a clase e cambios de quenda.
- Aquel alumnado con dispensa de asistencia recoñecida pode poñerse en contacto co profesor durante as dúas primeiras semanas para establecer un plan de traballo da materia.
- Para poñerse en contacto cos docentes da materia é obrigatorio o emprego da conta de correo institucional da USC. Só se contestarán correos de estudantes que sexan enviados desde unha conta de correo @rai.usc.es.
- Está prohibido o uso de dispositivos electrónicos na aula salvo con motivos docentes relacionados con esta materia.
- Non se permitirá un comportamento irrespectuoso cos compañeiros ou co profesor.
Xesus Pereira Lopez
- Departamento
- Economía Cuantitativa
- Área
- Economía Cuantitativa (propia da USC)
- Teléfono
- 881811708
- Correo electrónico
- xesus.pereira [at] usc.es
- Categoría
- Profesor/a: Titular de Universidade
David Rodríguez González
Coordinador/a- Departamento
- Economía Cuantitativa
- Área
- Economía Cuantitativa (propia da USC)
- Teléfono
- 881811519
- Correo electrónico
- davidrodriguez.gonzalez [at] usc.es
- Categoría
- Profesor/a: Axudante Doutor LOSU
| Luns | |||
|---|---|---|---|
| 10:00-11:30 | Grupo /CLE_01 | Galego | Aula 20 |
| 15:30-17:00 | Grupo /CLE_02 | Galego | Aula 27 |
| Mércores | |||
| 16:30-18:00 | Grupo /CLE_02 | Galego | Aula 27 |
| Xoves | |||
| 12:30-14:00 | Grupo /CLE_01 | Galego | Aula 20 |
| 15:00-16:30 | Grupo /CLE_02 | Galego | Aula 27 |
| Venres | |||
| 12:30-14:00 | Grupo /CLE_01 | Galego | Aula 20 |
| 22.01.2026 09:00-12:00 | Grupo /CLIS_3 | Aula A |
| 22.01.2026 09:00-12:00 | Grupo /CLIL_5 | Aula A |
| 22.01.2026 09:00-12:00 | Grupo /CLIS_1a | Aula A |
| 22.01.2026 09:00-12:00 | Grupo /CLIL_1a | Aula A |
| 22.01.2026 09:00-12:00 | Grupo /CLIL_4a | Aula A |
| 22.01.2026 09:00-12:00 | Grupo /CLIL_3 | Aula A |
| 22.01.2026 09:00-12:00 | Grupo /CLIS_4a | Aula A |
| 22.01.2026 09:00-12:00 | Grupo /CLIL_6 | Aula A |
| 22.01.2026 09:00-12:00 | Grupo /CLIS_1b | Aula A |
| 22.01.2026 09:00-12:00 | Grupo /CLIL_1b | Aula A |
| 22.01.2026 09:00-12:00 | Grupo /CLIL_4b | Aula A |
| 22.01.2026 09:00-12:00 | Grupo /CLE_01 | Aula A |
| 22.01.2026 09:00-12:00 | Grupo /CLE_02 | Aula A |
| 22.01.2026 09:00-12:00 | Grupo /CLIS_2 | Aula A |
| 22.01.2026 09:00-12:00 | Grupo /CLIL_2 | Aula A |
| 22.01.2026 09:00-12:00 | Grupo /CLIS_4b | Aula A |
| 22.01.2026 09:00-12:00 | Grupo /CLIS_4a | Aula B |
| 22.01.2026 09:00-12:00 | Grupo /CLIL_6 | Aula B |
| 22.01.2026 09:00-12:00 | Grupo /CLIS_1b | Aula B |
| 22.01.2026 09:00-12:00 | Grupo /CLIL_1b | Aula B |
| 22.01.2026 09:00-12:00 | Grupo /CLIL_4b | Aula B |
| 22.01.2026 09:00-12:00 | Grupo /CLE_02 | Aula B |
| 22.01.2026 09:00-12:00 | Grupo /CLIS_2 | Aula B |
| 22.01.2026 09:00-12:00 | Grupo /CLIL_2 | Aula B |
| 22.01.2026 09:00-12:00 | Grupo /CLIS_4b | Aula B |
| 22.01.2026 09:00-12:00 | Grupo /CLIS_3 | Aula B |
| 22.01.2026 09:00-12:00 | Grupo /CLIL_5 | Aula B |
| 22.01.2026 09:00-12:00 | Grupo /CLIS_1a | Aula B |
| 22.01.2026 09:00-12:00 | Grupo /CLIL_1a | Aula B |
| 22.01.2026 09:00-12:00 | Grupo /CLIL_4a | Aula B |
| 22.01.2026 09:00-12:00 | Grupo /CLIL_3 | Aula B |
| 22.01.2026 09:00-12:00 | Grupo /CLE_01 | Aula B |
| 15.06.2026 16:00-19:00 | Grupo /CLIS_2 | Aula A |
| 15.06.2026 16:00-19:00 | Grupo /CLIL_2 | Aula A |
| 15.06.2026 16:00-19:00 | Grupo /CLIS_4b | Aula A |
| 15.06.2026 16:00-19:00 | Grupo /CLE_01 | Aula A |
| 15.06.2026 16:00-19:00 | Grupo /CLIS_3 | Aula A |
| 15.06.2026 16:00-19:00 | Grupo /CLIL_5 | Aula A |
| 15.06.2026 16:00-19:00 | Grupo /CLIS_1a | Aula A |
| 15.06.2026 16:00-19:00 | Grupo /CLIL_1a | Aula A |
| 15.06.2026 16:00-19:00 | Grupo /CLIL_4a | Aula A |
| 15.06.2026 16:00-19:00 | Grupo /CLIL_3 | Aula A |
| 15.06.2026 16:00-19:00 | Grupo /CLIS_4a | Aula A |
| 15.06.2026 16:00-19:00 | Grupo /CLIL_6 | Aula A |
| 15.06.2026 16:00-19:00 | Grupo /CLIS_1b | Aula A |
| 15.06.2026 16:00-19:00 | Grupo /CLIL_1b | Aula A |
| 15.06.2026 16:00-19:00 | Grupo /CLIL_4b | Aula A |
| 15.06.2026 16:00-19:00 | Grupo /CLE_02 | Aula A |
| 15.06.2026 16:00-19:00 | Grupo /CLIS_3 | Aula B |
| 15.06.2026 16:00-19:00 | Grupo /CLIL_5 | Aula B |
| 15.06.2026 16:00-19:00 | Grupo /CLIS_1a | Aula B |
| 15.06.2026 16:00-19:00 | Grupo /CLIL_1a | Aula B |
| 15.06.2026 16:00-19:00 | Grupo /CLIL_4a | Aula B |
| 15.06.2026 16:00-19:00 | Grupo /CLIL_3 | Aula B |
| 15.06.2026 16:00-19:00 | Grupo /CLIS_4a | Aula B |
| 15.06.2026 16:00-19:00 | Grupo /CLIL_6 | Aula B |
| 15.06.2026 16:00-19:00 | Grupo /CLIS_1b | Aula B |
| 15.06.2026 16:00-19:00 | Grupo /CLIL_1b | Aula B |
| 15.06.2026 16:00-19:00 | Grupo /CLIL_4b | Aula B |
| 15.06.2026 16:00-19:00 | Grupo /CLE_01 | Aula B |
| 15.06.2026 16:00-19:00 | Grupo /CLE_02 | Aula B |
| 15.06.2026 16:00-19:00 | Grupo /CLIS_2 | Aula B |
| 15.06.2026 16:00-19:00 | Grupo /CLIS_4b | Aula B |
| 15.06.2026 16:00-19:00 | Grupo /CLIL_2 | Aula B |