Créditos ECTS Créditos ECTS: 4.5
Horas ECTS Criterios/Memorias Horas de Titorías: 2 Clase Expositiva: 17 Clase Interactiva: 22 Total: 41
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Economía Financeira e Contabilidade
Áreas: Economía Financeira e Contabilidade
Centro Facultade de Administración e Dirección de Empresas
Convocatoria: Primeiro semestre
Docencia: Con docencia
Matrícula: Matriculable
A materia de Fontes de Financiamento para o Emprendemento céntrase en dotar ao estudante das habilidades e coñecementos necesarios para xestionar de maneira eficaz as decisións para a procura de financiamento dun proxecto emprendedor ou empresa ao longo do seu ciclo de vida. Ao completar a materia o estudante será capaz de:
– Identificar as fontes de financiamento máis apropiadas en función da etapa do ciclo de vida dunha empresa.
– Recorrer ás diversas canles a través dos cales obter distintas fontes de financiamento para a empresa.
– Negociar as condicións de financiamento baixo distintas modalidades.
– Utilizar programas de follas de cálculo para analizar e resolver problemas financeiros e plataformas ou canles en liña para a procura de financiamento.
– Financiamento en cada etapa do ciclo de vida. Tipos, características e bases para a negociación.
– Crowdfunding: tipoloxía e estrutura de mercado.
– Capital risco e business angels: tipoloxía e estrutura de mercado.
– Deseño e xestión de campañas e roldas de financiamento.
Bibliografía básica
Hoyos Iruarrizaga, Jon, y Ana Blanco Mendialdua (2014). Financiación del proceso emprendedor. Pirámide.
Bibliografía complementaria
Freedman, David M, y Matthew R Nutting (2015). Equity Crowdfunding for Investors: A Guide to Risks, Returns, Regulations, Funding Portals, Due Diligence, and Deal Terms. Wiley.
Vera Calderón, José Alejandro; Reinoso Lastra, Juan Fernando y González Rubio, Janeth (2019). La financiación como factor de desarrollo en un ecosistema emprendedor. Sello Editorial Universidad del Tolima.
Verona Martel, María Concepción; Deniz Mayor, José Juan y García Cardona, Monserrat (2017). Business Angels: una alternativa de financiación para emprendedores. Delta Publicaciones.
Bulchand, et Merlan (2018). La revolución de la economía colaborativa. Lid Editorial.
Básicas e xenerais
CG1 - Adquirir un conxunto de coñecementos teóricos e prácticos en relación co proceso de creación e administración de empresas na era dixital.
CG5 - Capacidade de análise do comportamento dos axentes económicos e do funcionamento dos mercados e o seu papel nos procesos de transformación dixital.
CG6 - Capacidade de liderado e organización do traballo, tanto individual como colaborativo, e de adaptación a unha contorna en constante cambio e evolución.
CB1 - Que os estudantes demostrasen posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.
CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo.
CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética.
CB4 - Que os estudantes poidan transmitir información, ideas, problemas e solucións a un público tanto especializado como non especializado.
CB5 - Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.
Transversais
CT2 - Buscar, procesar, analizar e sintetizar información procedente de distintas fontes.
CT4 - Organizar e planificar o traballo en función dos obxectivos e recursos dispoñibles.
CT6 - Traballar en equipo, compartindo os coñecementos e sabéndoos comunicar ao resto do equipo e a organización.
CT7 - Comunicación oral e escrita adaptada ás necesidades dos destinatarios.
CT10 - Habilidade no manexo de ferramentas de cálculo e tecnoloxías da información e da comunicación (TIC).
Específicas
CE4 - Identificar, deseñar, xestionar e avaliar proxectos de creación ou transformación de produtos ou procesos, potenciando a innovación e o emprendemento.
CE8 - Deseñar e xestionar a estratexia financeira e coñecer novas formas de financiamento nun contexto socioeconómico dixital e globalizado.
CE13 - Identificar fontes de información fiable, elaborar e interpretar dita información utilizando as técnicas de análises e as ferramentas matemáticas, estatísticas e tecnolóxicas apropiadas para dar apoio á toma de decisións.
Sesións expositivas
As sesións dedicadas a clases expositivas teñen como obxectivo a introdución e explicación dos aspectos básicos de cada tema proporcionando aos estudantes a información necesaria que permita un adecuado desenvolvemento do proceso de aprendizaxe. Nas mesmas explicaranse os conceptos básicos de cada tema. Para facilitar o seguimento das sesións úsanse proxeccións de diapositivas cos contidos fundamentais desenvoltos en cada unha.
Sesións interactivas
As sesións interactivas están encamiñadas a poñer en práctica e en valor os coñecementos adquiridos nas sesións expositivas tratando de mostrar as diferentes alternativas financiamento que teñen as Startups, mediante a utilización de estudos de casos, discusións e debates, resolución de problemas, realización de traballos en grupos ou individuais con ou sen exposición en público, entre outras actividades. Este sistema de traballo permite reforzar as cuestións teóricas dos diferentes temas, previamente abordados nas sesións expositivas (necesarias para levar a cabo a resolución de cada caso), así como incidir na aplicabilidade dos devanditos coñecementos teóricos e a destreza dos estudantes na súa resolución.
As sesións expositivas e interactivas desenvolveranse de maneira presencial no horario oficial publicado polo centro.
A participación nas sesións expositivas e interactivas complementarase co traballo persoal dos estudantes que poderá incluír, entre outras, actividades de procura de información e material bibliográfico, lectura do devandito material e elaboración de traballos individuais ou colaborativos. Este traballo autónomo será guiado polo profesorado nas horas destinadas a titorías, que servirán para liquidar dúbidas e solucionar problemas aos que se enfronte o estudante no proceso de ensino-aprendizaxe. As titorías tamén servirán de canle de retroalimentación sobre os resultados obtidos.
Titorías
As titorías serán fundamentalmente de carácter presencial, aínda que se poderán realizar parcialmente de maneira virtual, tanto sincrónica (a través da plataforma institucional MS Teams) como asincrónica (campus virtual ou correo electrónico institucional). En calquera caso, desenvolveranse no horario habitual publicado oficialmente polo profesorado.
O desenvolvemento da materia realizarase con apoio da aula virtual docente creada para ese efecto na plataforma Moodle. Poderanse habilitar tarefas na aula virtual da materia con data e hora límite para a entrega de casos, traballos ou exercicios.
A avaliación continua recollerá a nota derivada de todas as actividades desenvolvidas polos estudantes (participación activa na análise de casos, debate e comentario de lecturas, artigos ou noticias de prensa, presentación e exposición de traballos, etc.).
Para superar a materia hai dúas oportunidades. O estudante que non supere a materia na primeira oportunidade terá dereito a unha segunda oportunidade (de recuperación). O sistema de avaliación destas dúas oportunidades, tanto para o estudantado de primeira matrícula como para o estudantado repetidor, recóllese a continuación:
Primeira oportunidade ordinaria. Contémplase a avaliación continua, combinada cunha proba final.
1. Avaliación continua: Ponderación: 40% da cualificación final. Propoñerase a realización de varias actividades prácticas de diferentes tipos: resolución de caso práctico, análise de texto/vídeo e comentario, conferencia temática e resolución dun test de coñecementos relacionados coa devandita actividade etc. A non realización destas actividades xustificada con algunha das causas incluída no Regulamento de asistencia a clase nos ensinos oficiais de Grao e Máster da Universidade de Santiago de Compostela compensarase de forma que non afectará o cálculo da nota de avaliación continua. No caso de que a causa non entre dentro das mencionadas no Regulamento, non se poderá recuperar nin substituír por outras actividades alternativas. Nesta parte avaliaranse as seguintes competencias: CG5, CG6, CE4, CE8, CE13.
2. Exame final teórico-práctico: Ponderación: 60% da cualificación final. Proba OBRIGATORIA de carácter teórico-práctico, podendo consistir nun test ou outras modalidades de cuestións. Cualificarase sobre 6 puntos, e requirirase un mínimo de 2,5 puntos para sumar a nota de avaliación continua. Nesta parte avaliaranse as seguintes competencias CG1, CG5, CE4, CE8.
Asistencia: para que a cualificación obtida mediante a avaliación continua sexa tida en conta na nota final da materia, será requisito que o estudante asistise, polo menos, ao 80% das clases interactivas programadas. Esta condición garante unha participación activa nas actividades prácticas e formativas que conforman o seguimento continuo da aprendizaxe.
A NOTA FINAL calcularase da seguinte forma:
a) En caso de obter unha cualificación de 2,5 ou superior no exame, sumarase a nota de E.C.
b) En caso de obter unha nota inferior a 2,5 no exame, a nota final será a de E.C.
Estes criterios serán aplicables a todos os estudantes matriculados na materia, tanto na primeira como na segunda oportunidade do exame, e en primeira ou sucesivas matrículas.
Calquera estudante poderá presentarse ao exame final haxa realizado ou non as actividades propostas na avaliación continua. En caso de non realizar as anteriores tarefas a súa cualificación provirá exclusivamente do exame final optando ao 60% da nota
Segunda oportunidade (recuperación). Na segunda oportunidade de recuperación aplicarase o mesmo sistema de avaliación que na primeira oportunidade.
O sistema de avaliación é o mesmo tanto para o estudantado de primeira matricula como para o estudantado repetidor.
Estudantado repetidor: Os estudantes que xa cursasen a materia e dispoñan dunha cualificación de E.C. en calquera dos 2 cursos anteriores ao actual, poden manter dita nota. No campus virtual habilitarase un formulario para comunicalo, dentro do prazo indicado, á coordinadora da materia.
Estudantado con dispensa: Aos estudantes que, por causas recollidas en Regulamento de asistencia a clase nos ensinos oficiais de Grao e Máster da Universidade de Santiago de Compostela, sobre dispensa de asistencia a clase en determinadas circunstancias, soliciten e obteñan dispensa de asistencia a clase, avaliaráselles a través dunha proba única, que se celebrará na data oficial establecida e cuxa nota supoñerá o 100% da cualificación final desta materia. En caso de ser aprobada esta solicitude, deberá comunicalo á coordinadora da materia.
Plaxio e uso indebido das tecnoloxías na realización de tarefas ou probas: En caso de realización fraudulenta de exercicios ou probas será de aplicación o recolleito na Normativa de avaliación do rendemento académico dos estudantes e de revisión de cualificacións.
A materia é de 4,5 créditos e cada crédito equivale a 25 horas. As horas de traballo distribúense do seguinte modo:
– Presenciais (horas de docencia expositiva, docencia interactiva, titorías e avaliación): 41 horas.
– Traballo persoal do estudantado: 71,5 horas. A distribución inclúe o estudo autónomo individual ou en grupo (18 horas) e a realización de diversas actividades fose da aula (53,5 horas): lecturas, realización de traballos, preparación de exposicións, resolución de casos etc.
Para maximizar a aprendizaxe é recomendable que os estudantes asistan regularmente ás sesións expositivas e interactivas, participe activamente en todas as actividades propostas polo profesorado e consulte a bibliografía básica e outro material recomendado. As titorías son un recurso útil que os estudantes deberían utilizar as veces que fose necesario. O acceso ao campus virtual para informarse de diferentes cuestións que xurdan ao longo do curso e revisar antes das clases o material complementario facilita a participación do estudantado e a súa capacidade de adquirir coñecementos.
Vanessa Miramontes Viña
Coordinador/a- Departamento
- Economía Financeira e Contabilidade
- Área
- Economía Financeira e Contabilidade
- Correo electrónico
- vanessa.miramontes [at] usc.es
- Categoría
- Profesor/a: Axudante Doutor LOSU
| Luns | |||
|---|---|---|---|
| 16:00-17:00 | Grupo /CLE_01 | Castelán | Aula 8 |
| 22.01.2026 09:00-12:00 | Grupo /CLE_01 | Aula 6 |
| 01.07.2026 12:00-15:00 | Grupo /CLE_01 | Aula 6 |