Créditos ECTS Créditos ECTS: 6
Horas ECTS Criterios/Memorias Horas de Titorías: 3 Clase Expositiva: 24 Clase Interactiva: 24 Total: 51
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Xeografía
Áreas: Xeografía Humana
Centro Facultade de Xeografía e Historia
Convocatoria: Segundo semestre
Docencia: Con docencia
Matrícula: Matriculable | 1ro curso (Si)
• Tras unha materia introdutoria de Xeografía Humana I, nesta materia centrarase a atención nos enfoques máis recentes da disciplina, asentados nos xiros das Ciencias Sociais (espacial, cultural) e nas que se poden denominar “outras xeografías”. Búscase ofrecer unha visión ampla da Xeografía, inserida de cheo nas Ciencias Sociais, conectada cos problemas do mundo actual, onde o/a xeógrafo/a adopte unha posición crítica e comprometida coa análise territorial.
• Procúrase deste xeito introducir certas temáticas que se desenvolverán en diversas materias do Grao, así como ofrecer unha revisión xeral de temas que poderán ser profundados nos seguintes cursos coa escolla de materias optativas.
Os contidos incluídos na memoria de título son:
As "outras Xeografías" e os novos enfoques en Xeografía Humana. A Xeografía como ciencia comprometida. Xeografía e xénero. Estudos fronteirizos. Paisaxes e lugares. Xeohumanidades.
Estes contidos desenvolveranse no seguinte temario:
1. As novas Xeografías post 1970
2. A implicación da Xeografía no mundo actual
3. Encontros e desencontros nos límites estatais/nacionais
4. As fronteiras urbanas: desigualdades sociais e espazos de resistencia
5. A reemerxencia da paisaxe e os novos sentido do lugar
6. Xeohumanidades: unha lectura xeográfica das producións artísticas
• Aitkin, S. e Valentin, G. (2007). Approaches to Human Geography. London: Thousands Oaks.
• Albet, A. (2000). Una geografía humana renovada: lugares y regiones en un mundo global. Barcelona: Vicens Vives.
• Anoop, N. e Jeffrey, A. (2011). Geographical Thought. An Introduction to Ideas in Human Geography. Harlow [etc.]: Pearson.
• Bailly, A. e Béguin, H. (2008). Introduction à la géographie humaine. Paris: Armand Colin.
• Daniels, P. et al. (eds.) (2016). An Introduction to Human Geography. Harlow: London Prentice Hall.
• Dear, M. et al. (2011). GeoHumanities: Art, History, Text at the Edge of Place. London/New York: Routledge.
• Fouberg, E., Murphy, A. e Blij, H. de (2012). Human Geography. People, Place, and Culture. Hoboken (Ney Jersey): John
Wiley.
• Gómez Mendoza, J. (2017): La geografía humana como ciencia social. En Romero, J. (coord.) Geografía Humana de España.
València: Tirant lo Blanch, pp. 13-56.
• Hiernax, D. e Lindón, A. (coords.) (2006). Tratado de Geografía Humana. Barcelona: Anthropos.
• Lee, R. et al. (eds.) (2014). The SAGE Handbook of Human Geography. Los Angeles: SAGE.
• Lindón, A. e Hiernaux, D. (dirs.) (2010): Los giros de la Geografía Humana. Barcelona: Anthropos.
• Nogué, J. e Romero, J. (eds.) (2006). Las otras geografías. València: Tirant lo Blanch.
• Romero, J. (ed.). (2004). Geografía Humana. Madrid: Ariel.
• Sabaté, A., Rodríguez, J. e Díaz, M. (dirs.) (1995). Mujeres, espacio y sociedad: hacia una geografía del género. Madrid:
Síntesis.
Coñecementos:
Con1: Historia e pensamento da disciplina xeográfica
Con2: Grandes rexións e xeopolítica do mundo
Con7: Métodos e traballo de campo da disciplina xeográfica
Habilidades ou destrezas:
H/D1: Xestionar a complexidade
H/D2:Entender os problemas xeográficos de forma multidimensional, interrelacionando o medio físico-natural e ambiental coa esfera
humana e social
H/D3: Interrelacionar os fenómenos a diferentes escalas territoriais
H/D4: Buscar, xerar, ordenar e sintetizar información xeográfica
H/D5: Expoñer e transmitir coñecementos, métodos e resultados xeográficos de forma autónoma
Competencias
Comp1: Coñecer, comprender, analizar e interpretar o territorio, o medio físico-natural, o medio ambiente e a paisaxe
Comp5: Aprender a coñecer e interpretar directamente o territorio, o medio e a paisaxe a través do traballo de campo
Comp6: Elaborar e interpretar información cuantitativa e cualitativa en Xeografía
Comp7: Explicar a diversidade de lugares, ambientes, cidades e rexións
• As aulas expositivas concentrarán a explicación dos apartados teóricos, a través de diapositivas (sobre todo aparello gráfico e cartográfico) e unha escolma de materiais para o seguimento das sesións: procurarase en todo momento a participación activa do alumnado.
• As aulas interactivas (que distinguen seminario e laboratorio) consistirán en traballos individuais ou en grupo, nas que se abordarán distintos aspectos do temario. Nestas sesións é fundamental a participación activa do alumnado, que será supervisada por parte do docente.
• Os materiais empregados nas aulas serán postos ao dispor do alumnado no Campus Virtual, onde tamén se terán que facer as entregas nas datas requiridas.
• Se se dan as condicións, realizarase unha saída de campo (xunto con outros materias do Grao, de ser posible) onde se poñan en práctica os contidos acadados na aula. A saída de traballo de campo ten natureza de actividade formativa obrigatoria segundo o Acordo do Consello de Goberno do 25/11/2024 que aprobou o Regulamento de asistencia a clase.
En función da planificación docente e da metodoloxía de ensino-aprendizaxe, a avaliación por coñecementos, habilidades/destrezas e competencias desagrégase en dúas compoñentes formativas, cos pesos seguintes: entregas de avaliación continua, 50%; e proba final, 50%. Seguiranse estes criterios:
1. O 50% das entregas de avaliación continua resultará das aulas interactivas previstas. Nesta compoñente terase en conta a participación activa do alumnado nas aulas e mais a memoria reflexiva da saída de campo. En todas as entregas, os plaxios, tanto de autores/as e de Internet coma entre alumnos/as, comportarán suspender. As entregas referidas ás aulas interactivas terán que realizarse nas datas que indique o profesor, polo xeral, no prazo dunha semana desde a finalización da actividade. Dado que a saída de traballo de campo ten natureza de actividade formativa obrigatoria segundo o Acordo do Consello de Goberno do 25/11/2024 que aprobou o Regulamento de asistencia a clase, a posible falta de asistencia deberá ser expresamente xustificada de acordo co art. 3 do devandito Regulamento. No caso das faltas de asistencia xustificadas de forma conveniente, facultarase unha entrega alternativa que terá o mesmo peso. De acordo co art. 1 do Regulamento devandito, a asistencia ás aulas ponderarase na cualificación parcial relativa ao ítem da avaliación continua, cunha porcentaxe máxima do 10%.
2. O 50% da proba final será presencial para todo o alumnado, na data establecida pola Facultade de Xeografía e Historia; no caso de preguntas de tipo test, as respostas equivocadas restarán.
3. Para superar a materia é preciso ter como mínimo un 4,5 no exame e un 5 nas entregas. O alumnado deberá superar ambas as dúas partes. Os criterios de avaliación serán os mesmos tanto na proba ordinaria como na extraordinaria. O alumnado que non aprobe a materia na primeira convocatoria deberá repetir a/s parte/s pendente/s na segunda.
4. O alumnado coa dispensa concedida preceptivamente pola Comisión Académica e de Validacións da Facultade será avaliado mediante un exame presencial na primeira oportunidade, que abranguerá a totalidade dos materiais dispoñíbeis no Campus Virtual.
5. Para os casos de realización fraudulenta de exercicios ou probas, incluíndo o uso inaxeitado da IA, será de aplicación o recollido na Normativa de avaliación do rendemento dos estudantes e de revisións de cualificacións, nomeadamente o seu art. 16, que estipula a cualificación global resultante.
- Docencia teórica: 24 h
- Docencia de seminario: 12 h
- Docencia de laboratorio: 12 h
- Titorización en grupo reducido: 3 h
- Traballo persoal do alumnado: 99 h
• Ler a bibliografía básica e os materias de apoio que se entreguen.
• Manter unha posición crítica e activa durante o desenvolvemento das aulas.
• Entregar os traballos en tempo e forma.
• Realizar as presentación orais cando se indiquen.
• Empregar as titorías para o seguimento da materia.
• Recoméndanse como actividade formativa os cursos de Competencias da Información que oferta a Biblioteca:
https://www.usc.gal/gl/servizos/biblioteca/servizos/competencias.html
Juan Manuel Trillo Santamaria
Coordinador/a- Departamento
- Xeografía
- Área
- Xeografía Humana
- Correo electrónico
- juanmanuel.trillo [at] usc.es
- Categoría
- Profesor/a: Titular de Universidade
Alejandro Otero Varela
- Departamento
- Xeografía
- Área
- Xeografía Humana
- Correo electrónico
- alejandrootero.varela [at] usc.es
- Categoría
- Profesor/a: Profesor Interino/a substitución redución docencia
| Venres | |||
|---|---|---|---|
| 15:00-17:00 | Grupo /CLE_01 | Galego | Aula 14 |