Créditos ECTS Créditos ECTS: 3
Horas ECTS Criterios/Memorias Traballo do Alumno/a ECTS: 51 Horas de Titorías: 2 Clase Expositiva: 12 Clase Interactiva: 10 Total: 75
Linguas de uso Castelán, Galego
Tipo: Materia Ordinaria Máster RD 1393/2007 - 822/2021
Departamentos: Química Analítica, Nutrición e Bromatoloxía
Áreas: Tecnoloxía de Alimentos
Centro Facultade de Ciencias
Convocatoria: Segundo semestre
Docencia: Con docencia
Matrícula: Matriculable | 1ro curso (Si)
Capacitar ao estudantado para comprender as novas tecnoloxías de procesado, tanto de conservación como de transformación, e o seu efecto na calidade dos alimentos.
Capacitar ao estudantado para comprender os novos métodos e tecnoloxías que permiten mellorar nutricionalmente os alimentos.
Capacitar ao estudantado para avaliar a aplicación potencial das tecnoloxías emerxentes de procesado de alimentos en función das características de cada alimento.
Tema 1. Métodos combinados de conservación. Do empirismo ás novas tecnoloxías.
Tema 2. Novas tecnoloxías térmicas: quecemento óhmico
Tema 3. Procesado de alimentos con luz e son: radiación ultravioleta e ultrasonidos.
Tema 4. Extracción e procesado con fluídos supercríticos.
Tema 5. Modificación da textura e conservación: cocción-extrusión.
Tema 6. Envases comestibles e envases de bionanomateriais naturais.
Tema 7. Modificación da composición lipídica en alimentos de orixe animal.
Tema 8. Proteínas do lactosoro: propiedades tecnolóxicas e bioactivas.
Tema 9. Uso de encimas no procesado de alimentos.
Tema 10. Outras tecnoloxías innovadoras e novos ingredientes na elaboración de alimentos.
SEMINARIOS
Aplicación das tecnoloxías innovadoras ao procesado e mellora de alimentos concretos.
REALIZACIÓN DE TRABALLOS:
Os estudantes presentarán traballos individuais / en grupo que terán como temas aspectos relacionados coa materia, supostos, etc.
BIBLIOGRAFÍA BÁSICA:
- Bhat, R., Alias, A.K., Paliyath, G. (2012). Progress in food preservation. Wiley-Blackwell, Chichester.
- Bhattacharya, S. (2015). Conventional and advanced food processing technologies. Wiley-Blackwell. Chichester, UK.
- Cerqueira, M.A.P.R., Pastrana Castro, L.M. (2023). Fat mimetics for food applications. John Wiley & Sons. Hoboken, NJ, USA.
- Fellows, P. (2017). Food processing technology: principles and practice. Woodhead Publishing. Duxford, UK.
- Kuddus, M. (2019). Enzymes in food biotechnology. Production, applications, and future prospects. Academic Press – Elsevier. London, UK.
- Morata Barrado, A. (2009). Nuevas tecnologías de conservación de alimentos. A. Madrid Vicente, Madrid.
- Proctor, A. (2011). Alternatives to conventional food processing. Royal Society of Chemistry. Cambridge.
- Rahman, M.S. (2020). Handbook of food preservation. 3rd ed. CRC Press – Taylor & Francis group. Boca Raton, FL, USA.
BIBLIOGRAFÍA COMPLEMENTARIA:
- Barba, F.J. et al. (2021). Design and optimization of innovative food processing techniques assisted by ultrasound. Academic Press – Elsevier. London, UK.
- Bhattacharya, S. (2015). Conventional and advanced food processing technologies. Wiley-Blackwell. Chichester, UK.
- Whitehurst, R.J., van Oort, M. (2010). Enzymes in food technology. Wiley-Blackwell. Chichester, UK.
- Zhang, H.Q., Barbosa-Cánovas, G.V., Balasubramaniam, V.M., Dunne, C.P., Farkas, D.F., Yuan, T.C. (2011). Wiley-Blackwell. Chichester, UK.
- Revistas científicas de prestigio especializadas en revisiones bibliográficas (Critical Reviews in Food Science and Nutrition, Trends in Food Science & Technology, Comprehensive Reviews in Food Science and Food Safety, Food Reviews International, etc.) e artículos de investigación. Bibliografía específica para algúns temas.
COMPETENCIAS BÁSICAS:
CB6 - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
CB9 - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.
COMPETENCIAS XERAIS:
CG4 - Coñecer os métodos e tecnoloxías de produción e envasado que permitan obter alimentos máis seguros, saudables e máis ecolóxicos, así como coñecer a súa repercusión na calidade global dos alimentos.
CG6 - Ser capaz de intervir no deseño e desenvolvemento de alimentos máis saudables.
CG9 - Manexar as fontes de información especializadas na nutrición e os alimentos, a súa tecnoloxía e a súa seguridade.
COMPETENCIAS TRANSVERSAIS:
CT1 - Capacidade de análise e síntese.
CT3 - Capacidade para traballar en equipo
CT4 - Demostrar compromiso ético
CT5 - Capacidade para usar tecnoloxías da información e comunicación
CT6 - Capacidade para buscar, analizar e xestionar a información proveniente de fontes diversas
CT9 - Capacidade para transmitir coñecementos
CT12 - Capacidade para utilizar información en lingua estranxeira
COMPETENCIAS ESPECÍFICAS:
COP19 – Coñecer e comprender as novas tecnoloxías empregadas no procesado e a mellora nutricional dos alimentos.
As clases expositivas (teóricas) (12 horas presenciais) serán impartidas polo profesorado encargado da materia, empregando presentación audiovisuais por computador con proxector de vídeo, coa axuda de anotacións no encerado.
Seminarios. Os seminarios interactivos (10 horas presenciais) consistirán en actividades complementarias da materia tratada nas clases expositivas, desenvolvidas nas instalacións da USC no Campus de Lugo. Serán impartidos polos profesores e/ou polos estudantes, sendo supervisados por aqueles.
Traballos individuais / Traballos en grupo. Os estudantes presentarán traballos individuais/en grupo relacionados cos temas da materia que entregarán a través do Campus Virtual.
Titorías en grupo. A orientación de todas as actividades e tarefas realizadas polos estudantes será realizada polo profesor nas sesións de titoría en grupo empregando conversa/foro do Campus Virtual. Tamén se realizarán probas dos coñecementos adquiridos nas clases expositivas dentro das actividades de avaliación continua (2 horas presenciais).
Utilizarase o Campus Virtual da USC como apoio á docencia desta materia.
A avaliación do estudante realizarase mediante avaliación continua e realización de traballos.
- Avaliación continua. A avaliación continua efectuarase mediante as valoracións alcanzadas en unha o varias probas sobre os coñecementos adquiridos nas clases expositivas (60% da cualificación final). Competencias avaliadas: CB6, CG4, COP19.
- Traballos (40% da cualificación final). Consistirá na presentación dun traballo individual/en grupo sobre temas relacionados coa materia, supostos, etc. Competencias avaliadas: CB6, CB9, CG4, CG6, CG9, CT1, CT3, CT4, CT5, CT6, CT9, CT12, COP19.
Os estudantes poderán incrementar a nota alcanzada na avaliación dos coñecementos adquiridos en clases expositivas presentándose a unha proba que se realizará nas datas oficiais de exame da materia (1ª e 2ª oportunidade).
Para os casos de realización fraudulenta de exercicios ou probas será de aplicación o establecido na “Normativa de avaliación do rendemento académico dos estudantes e de revisión das calificacións.
Soamente cualificarase como non presentado aos estudantes que non realizase ningunha actividade ao longo do curso.
Non é imprescindible a asistencia a ningunha das actividades da materia para que esta poida ser aprobada, salvo a asistencia ás probas de avaliación. Por iso, os estudantes que teñan concedida dispensa de asistencia pola Comisión do Título segundo o disposto no “Regulamento de asistencia a clase nas ensinanzas oficiais de grao e máster dá USC” non terán un sistema de avaliación específico.
Non existirán diferenzas no sistema de avaliación entre a 1ª e 2ª oportunidade nin haberá criterios diferentes para estudantes repetidores.
A materia (estruturada en clases expositivas, interactivas e titorías) consta de 3,0 créditos ECTS o que supón 75 horas totais (1 crédito equivale a 25 horas).
Do tempo total, 25 horas son presenciais (asistencia a clases expositivas, a clases interactivas, a titorías e ao exame) e as 50 horas restantes son as correspondentes ao traballo do estudante.
A distribución é a seguinte:
TRABALLO PRESENCIAL NA AULA:
-Clases expositivas en grupo: 12 h, 100% presencialidad.
-Clases interactivas (Visitas a empresas e seminarios): 10 h, 100% presencialidad.
-Titorías en grupos reducidos ou individualizadas: 2 h, 100% presencialidad.
-Actividades de avaliación: 1 h, 100% presencialidad.
Total, horas de traballo presencial: 25
TRABALLO PERSOAL DO ESTUDANTE:
-Lectura e preparación de temas: 20,0 h, 0% presencialidad.
-Elaboración de traballos de curso: 20,0 h, 0% presencialidad.
-Preparación de probas de avaliación: 10,0 h, 0% presencialidad.
Total, horas de traballo persoal do estudante: 50
Recomendase a resolución de dúbidas nas titorías.
Prestar atención nas clases teóricas e seminarios.
Consulta da bibliografía recomendada.
Orde e organización na procura de información para a realización de traballos.
Distinguir entre a información esencial e a accesoria.
Estudo de forma razoada e non só memorística.
A materia impártese nos dous idiomas oficiais da comunidade, castelán e galego.
Olga Diaz Rubio
Coordinador/a- Departamento
- Química Analítica, Nutrición e Bromatoloxía
- Área
- Tecnoloxía de Alimentos
- Correo electrónico
- olga.diaz.rubio [at] usc.es
- Categoría
- Profesor/a: Catedrático/a de Universidade
| Luns | |||
|---|---|---|---|
| 11:00-13:00 | Grupo /CLE_01 | Castelán | 0P AULA 2 PLANTA BAIXA |
| Martes | |||
| 11:00-13:00 | Grupo /CLE_01 | Castelán | 0P AULA 2 PLANTA BAIXA |
| Mércores | |||
| 11:00-13:00 | Grupo /CLE_01 | Castelán | 0P AULA 2 PLANTA BAIXA |
| Xoves | |||
| 11:00-13:00 | Grupo /CLE_01 | Castelán | 0P AULA 2 PLANTA BAIXA |
| 02.06.2026 10:00-11:00 | Grupo /CLE_01 | 0P AULA 2 PLANTA BAIXA |
| 10.06.2026 10:00-11:00 | Grupo /CLE_01 | 0P AULA 2 PLANTA BAIXA |