As institucións e asociacións que traballan a prol da lingua galega desenvolven un amplo abano de actividades orientadas á promoción, normalización e dignificación do galego como lingua propia de Galicia. A Coordinadora de Traballadoras de Normalización Lingüística leva anos premiando os mellores proxectos nos Premios Mil Primaveras.
As institucións e asociacións que traballan a prol da lingua galega desenvolven un amplo abano de actividades orientadas á promoción, normalización e dignificación do galego como lingua propia de Galicia. A Coordinadora de Traballadoras de Normalización Lingüística leva anos premiando os mellores proxectos nos Premios Mil Primaveras.
Estes que seleccionados aquí son algúns que che poden resultar de interese:
Modo galego, actívao! (MGA!) é un proxecto de investigación-acción desenvolvido de xeito colaborativo pola Real Academia Galega, o Concello de Ames e os centros educativos do municipio. Neste proxecto exploramos novos xeitos de dinamizar a lingua entre a xente máis nova e avaliar os seus resultados.
Elos é un programa de voluntariado lingüístico promovido polo Concello de Santiago para facilitar o contacto entre persoas que desexan aprender e practicar o galego e persoas que queiran colaborar con elas.
Brazolinda é un proxecto de deseño e fabricación de xogos de mesa en galego que naceu coa firme intención ofrecer, tanto ao profesorado como ás familias, material didáctico en galego que axude a normalizar o uso da lingua no tempo de ocio e de aprendizaxe. Xogos deseñados con dinámicas e temáticas amables, coidadas e respectuosas.
Galego para peques é un proxecto audiovisual pensado para estender o uso do galego na infancia. Con isto pretendemos proporcionar recursos audiovisuais para o ensino e as familias, o máis atractivos posibles, que poidan favorecer o consumo de música e narrativa en galego para peques de educación infantil e primeiras etapas de educación primaria.
