A Consellería de Cultura, Ciencia, Universidades e Formación Profesional convoca os premios fin de carreira para o alumnado que rematou os seus estudos universitarios conducentes a unha titulación oficial de grao no curso académico 2023/24, nas universidades do Sistema universitario de Galicia.
Requisitos:
- Ter cursado integramente os estudos da titulación universitaria pola que opta ao premio como alumno/a das universidades do Sistema universitario de Galicia.
- Ter rematado a titulación oficial de grao no curso académico 2023/24.
- No programa de simultaneidade de graos, ter finalizado os dous traballos fin de grao no mesmo ano, no curso académico 2023/24.
- Ter unha puntuación media no seu expediente académico igual ou superior a 8,50 puntos, para o alumnado das ramas de coñecemento de Artes e Humanidades, Ciencias Sociais e Xurídicas, Ciencias e Ciencias da Saúde; e 7,50 puntos, para o alumnado da rama de Enxeñaría e Arquitectura.
- Non poderán obter un premio fin de carreira aquelas persoas que xa obtiveron un en anteriores convocatorias.
- Non poderán optar a un premio aquelas persoas que superasen máis dun terzo das materias da titulación por cursos ponte ou recoñecementos.
Máximo de 3.500 euros e un diploma acreditativo.