A Asociación de Profesores Eméritos da USC asina un convenio de colaboración Asociación Cultural Galega de Formación Permanente de Adultos
O texto regula o impulso de actividades socio culturais e a celebración de conferencias e seminarios sobre temas de interese común
Santiago de Compostela
O convenio asinado este mércores pola Asociación de Profesores Eméritos da USC (APE-USC) e a Asociación Cultural Galega de Formación Permanente de Adultos (ATEGAL) ten o obxectivo de establecer o entorno de referencia para a acción coordinada entre ambas as dúas entidades.
O desenvolvemento daquelas actuacións encamiñadas a potenciar a formación dos seus asociados, así como o impulso de actividades socio culturais e a celebración de conferencias e seminarios sobre temas de interese común, constitúen o obxecto primordial do acordo.
O texto foi asinado por José María Fraga Bermúdez, presidente de APE-USC, e Ángel Fagilde Trabada, presidente de ATEGAL.