O CIQUS, na segunda edición do seu programa de apoio Iniciación á investigación, ofertou oito contratos a tempo parcial para alumnos de máster, compatibles co desenvolvemento do programa formativo dos estudantes e que, durante sete meses, apoiarán o arranque das súas respectivas liñas de investigación en distintos grupos adscritos ao CIQUS.
Este programa, especificamente dirixido a alumnos de máster, incentiva o desenvolvemento de liñas de traballo cooperativas e/ou de interese estratéxico para o centro, ademais de apoiar os alumnos durante a etapa de máster, previa á realización da tese doutoral, e que actualmente non está cuberta polas convocatorias competitivas de axudas predoutorais.
Na fotografía, os sete alumnos seleccionados. De esquerda a dereita: Iván González Veloso, Borja Pérez Saavedra, David Fernández Fernández, Olaya Domarco Álvarez, Iván Varela Sandá, Renata Calo Lapido, Damián Padín Santos e Alberto Fuertes García.