O catedrático do Departamento de Química Orgánica e investigador do Centro Singular de Investigación en Química Biolóxica e Materiais Moleculares da USC (CIQUS), Juan Granja, foi recoñecido polo Grupo de Química Orgánica da Real Sociedad Española de Química (RSEQ) coa medalla Ignacio Ribas 2014, unha distinción coa que premian cada ano a traxectoria profesional dun químico orgánico español. O acto de entrega terá lugar na próxima reunión do RSEQ en Alicante.
O grupo de Química Orgánica, formado por 700 socios pertencentes a universidades e outros centros de investigación españois, recoñece así as contribucións realizadas polo profesor Granja e o seu equipo no ámbito dos procesos de autoensamblaxe molecular, especificamente no deseño de nanotubos peptídicos con novidosas propiedades.
O uso de gamma aminoácidos cíclicos permite preparar estruturas con cavidades internas funcionalizables, o que posibilita controlar certas propiedades a demanda. Por exemplo, é posible deseñar nanotubos que se formen sobre membranas lipídicas formando canles que atravesan as membranas transportando ións, ou que se depositen paralelamente destruíndoa.
Medallas Ignacio Ribas
As medallas Ignacio Ribas creáronse en 2010 para premiar anualmente a excelencia dun químico orgánico español polo seu cometido científico dos últimos cinco anos. O galardón toma o seu nome do que fora catedrático da USC desde 1942 e durante máis de trinta años. En anos anteriores recibiron o galardón os profesores Fernando P. Cossío (da Universidade do País Vasco), Carlos Saá (tamén da USC-CIQUS) e Miguel Ángel Sierra (da Universidade Complutense de Madrid).
Esta distinción, que anualmente premia la trayectoria profesional ascendente de un químico orgánico español, reconoce así las contribuciones realizadas por el Prof. Granja y su equipo en el ámbito de los procesos de autoensamblaje molecular, específicamente en el diseño de nanotubos peptídicos con novedosas propiedades.