A Facultade de Veterinaria acolle este mércores 13, ás 20.00 horas, unha sesión informativa sobre os distintos programas de mestrado e doutoramento que se imparten no centro
A Facultade de Veterinaria do Campus Terra da USC acolle este mércores, a partir das 20.00 horas, na Sala de Xuntas do centro, a sesión ‘E despois que? Formación de posgrado no Campus de Lugo’, no marco da que distintos relatores informarán ao alumnado dos dos últimos cursos do grao en Veterinaria dos programas de mestrado e doutoramento que ofrece a USC no centro universitario lugués.
Os directores dos mestrados en Xenómica e Xenética e de Produción de Leite serán os encargados de abrir a quenda de intervencións desta sesión informativa, na que tamén se informará ao alumnado dos dous programa de doutoramento activos na Facultade de Veterinaria da USC: Investigación básica e aplicada en Ciencias Veterinarias e Medicina e Sanidade Veterinaria.