GIS PARA INVESTIGADORES EN HISTORIA E HISTORIA DA ARTE

Alumnado obxectivo: Estudantes da EDIUS. A matrícula realizarase dende o próprio programa de doutoramento pd.historiaxeografiaarte@usc.es. No conxunto que nos últimos anos se identifica como Humanidades Dixitais, unha das ferramentas que máis interese esperta na comunidade académica e científica das disciplinas humanísticas e das ciencias sociais son os Sistemas de Información Xeográfica (SIX-GIS). Como toda ferramenta metodolóxica nova, moitos/as investigadores/as non coñecen as súas posibilidades ou non coñecen o funcionamento e os recursos que os programas baseados nesta ferramenta deanálise de datos espaciais pode ofrecer. O curso de doutoramento que se propón centrase no programa QGIS, unha das moitas plataformas dixitais de análise xeográfico-espacial que existen na actualidade. A súa elección responde a unha razón práctica: tratase dun programa que contén os mesmos recursos que os seus conxéneres, se ben se trata dunha plataforma de software libre e de descarga gratuíta.