‘Músicas na Vidreira’ continúa este luns en Lugo cun concerto de vento

Estudantes do Conservatorio Profesional de Música de Lugo serán os protagonistas do décimo concerto do ciclo ‘Músicas na Vidreira’ que se desenvolverá este luns 7 ás 14:00 horas na vidreira da Facultade de Veterinaria.

Nadia Abeledo, Yaiza Álvarez, Ismary Gato, Manuel Montero e Alba Fernández interpretarán con diferentes instrumentos de vento as pezas Quinteto nº3, op. 76 de Franz Danzi, Minuet de Colomer e Jesu, joy of man’s desering de Bach, con arranxos de David Flatt.

O convenio Lugo Cultural puxo en marcha o ciclo ‘Músicas na vidreira’ este ano académico co obxectivo de servir de apoio aos novos intérpretes, dándolles a oportunidade de actuar cos seus diferentes conservatorios ou agrupacións nun lugar destacado do campus lugués como é a vidreira de Veterinaria. O último concerto deste ciclo ofrecerano o vindeiro 14 de xuño alumnos do Escola Arte e Lecer do Colexio de Fingoi e da Escola de Música de Mondoñedo.