A EPS celebra o Día da Terra cunha conferencia

A Escola Politécnica Superior de Lugo festexa o mércores 22 o Día da Terra. Como parte do programa organizado con motivo deste evento, celebrarase no centro unha conferencia.
O relatorio estará a cargo de Mario Cunha, do Centro de Investigación en Ciencias Xeoespaciais da Facultade de Ciencias Agrarias da Universidade de O Porto. Na súa intervención, ás 11:00 horas, falará de ‘Masseiras: un agro-sistema en areas de dunas’. Será un acto aberto ao público en xeral, no Salón de Actos da EPS.