A Facultade de Xeografía e Historia homenaxeou á profesora Mª Pilar Torres Luna

A profesora Mª Pilar de Torres Luna, co gallo da súa xubilación, recibiu este venres unha homenaxe organizada pola Facultade de Xeografía e Historia, centro no que actualmente desenvolve o seu labor académico.
Na sesión, que presidiu a decana Mar Llinares, interviñeron ademais do director do Departamento de Xeografía, Francisco Ramón Durán, as compañeiras de estudos, unha delas a súa primeira discípula, agora catedráticas das Universidades de Zaragoza e Navarra. O acto serviu de recoñecemento aos corenta anos de traballo continuado da profesora Torres Luna na Universidade compostelá.