A recadación do festival será destinada ao Banco de Alimentos de Santiago
'O Alemán' é un proxecto de longo percorrido dentro da carreira do creador compostelán Diego Anido. Estreada nunha primeira versión no 2004, preséntase reeditada 17 anos despois, tras xirar por escenarios e festivais de toda España.
A partires da idea do perdón, Anido desenvolve a súa particular linguaxe escénica na que mestura multitude de rexistros actorais e coreográficos cunha técnica depurada e cun sentido do humor intelixente e poético.
Concertos, representacións teatrais, ou encontros con persoeiros do eido da cultura nutren o programa de USCénica 2021. As entradas só poderán retirarse o mesmo día da función nos espazos onde se programa cada espectáculo a partir das 19.00 horas.