Presentación da iniciativa 'Retos lingüísticos para estudantes de galego en Galicia'
Co gallo da conmemoración do Día Europeo das Linguas o martes 26 de setembro, a Facultade de Filoloxía abeira diferentes actividades promovidas pola Biblioteca, o Centro de Linguas Modernas (CLM) e o Deutscher Akademischer Austauschdienst (DAAD).
A Biblioteca escolmará e porá á disposición da comunidade universitaria, unha mostra de volumes de narrativa breve, contos e microrrelatos nas linguas que se estudan no centro.
Ás 12 horas realizarase unha lectura de fragmentos narrativos en varios idiomas e presentarase o 'Pasaporte galego/español de retos lingüísticos' dirixido ao alumnado de mobilidade da Facultade de Filoloxía.
Ademais, haberá tamén un quiz para contestar preguntas relacionadas coas linguas e acadar agasallos e premios.
