Salón Reitoral
Votaranse a aprobación dos Orzamentos do 2024 e a creación dos institutos de Humanidades e Psicoloxía, entre outros asuntos
O Consello de Goberno da USC reunirase este mércores 27 de decembro ás 9.30 horas en primeira convocatoria en sesión ordinaria para someter a aprobación, entre outros asuntos, os Orzamentos do ano 2024 e a creación do Instituto de Humanidades e do Instituto de Psicoloxía. Tamén se estudará a aprobación da reposición de prazas vacantes de profesorado contratado e das comisións de selección correspondentes, a proposta de oferta de prazas para a convocatoria anticipada do curso 2024/2025 dos másteres universitarios en Patrimonio Cultural Dixital, Ciencia e Tecnoloxías de Información Cuántica, e Xestión Sostible da Auga, xunto co Calendario de Planificación Académica Anual 2024/2025. No mesmo Consello trataranse ademais, entre outros, asuntos relativos á oferta de estudos da USC e presentaranse varios informes.