Aprenden cultura financeira na USC cun xogo de mesa

Estudantes de primeiros cursos de Administración e Dirección de Empresas e de Economía da USC xogaron este mércores na Facultade a ‘Play Pension’, o xogo de mesa creado pola Fundación Mapfre para fomentar a cultura financeira.

Divididos en oito equipos, os estudantes manexaron un orzamento familiar e coñeceron sinxelos instrumentos de aforro que lles permitiron afrontar imprevistos nas súas vidas. O gañador da partida, que continúa pola tarde, é o que máis se aproxime ao obxectivo de aforro indicado previamente.