Proxección de 'Arrebato'

A vindeira sesión do Ciclo de Cinema Filosófico, organizado polo Cineclube Mazarelos da Facultade de Filosofía, será este mércores 9 de outubro a partir das 18.00 horas no Salón de Actos do centro. Vaise proxectar o filme Arrebato (1979), do director vasco Iván Zulueta (1943-2009).

Esta é unha actividade do proxecto Cultura en Mazarelos da Facultade de Filosofía, a cal conta cunha axuda da Vicerreitoría de Estudantes e Cultura da USC e cun recoñecemento de dous créditos ECTS para todo o alumnado da universidade. A entrada é de balde ata completar a capacidade do espazo.