Ao longo da formación nos títulos (graos, máster, programas de doutoramento...) que configuran o espectro das Ciencias da Educación na nosa Universidade non se presta atención concreta e suficiente á abordaxe conceptual e pedagóxica das violencias sexuais, nin aquelas que se perpetran na contorna tradicional ou offline nin as que transitan cara á virtualidade. Desta forma, se temos en conta que os resultados de organismos así como a evidencia empírica faise necesario proporcionar ás e os futuras/os profesionais da educación as ferramentas formativas necesarias que lles permitan identificar e intervir nas realidades xeradas ao amparo das múltiples violencias sexuais, tan estreitamente relacionadas coa pornografía.
Obxectivos:
1. Previr as múltiples violencias sexuais, tanto no plano offline como no online.
2. Comprender o substrato de desigualdade e dixitalización sobre o que se asentan as múltiples violencias sexuais, tanto offline como online.
3. Analizar as múltiples violencias sexuais offline como online.
4. Desenvolver estratexias pedagóxicas centradas na identificación e prevención das múltiples violencias sexuais offline como online
Competencias:
T2.1 Procesar información, ideas y conceptos.
T3.2 Adoptar un enfoque proactivo.
T6.3 Ejercer derechos y responsabilidades.
T6.6 Estudios de xénero.
S1.12 Crear materiales artísticos, visuales o docentes.
Datas e horario:
Do 22 ao 26 de setembro de 2025, de 10:30 a 13:30 h.
Lugar: Facultade de Ciencias da Educación. Edificio Sur. Campus Vida.
Número de horas: 15 horas
Prazas: 25
Preinscrición: do 28 de xullo ao 10 de setembro de 2025
1. Menú da esquerda: Admisión. Seleccionar: Estudos Propios.
2. Aparecen os cursos de Formación Específica e Microcredenciais. Seleccionar o de interese.
3. Continuar o proceso segundo as indicacións.
4. IMPORTANTE: o curso é gratuito, non se ten que realizar ningún tipo de pago por ningún concepto.
Matrícula: do 11 ao 15 de setembro de 2025
1. Na páxina principal no apartado de matrícula da columna esquerda, débese marcar a opción Matrícula
2. Na seguinte pantalla, marcar a OPCION 8 (alumnado que desexa facer a matrícula en estudos propios)
3. A continuación, aparecerá o curso no que está admitido e deberá seguir os pasos que lle indica a aplicación ata terminar o proceso da matrícula. Lembre que o curso é gratuíto, polo que non debe facer ningún pagamento; aínda que apareza a opción, poderá continuar co proceso sen realizar ningún pago.